Të gjithë personat e interesuar mund të aplikojnë online për vendet e lira të punës, që shpall Shërbimi Kombëtar i Punësimit në 65 qytete.
Faqja zyrtare e këtij institucioni puna.gov.al ju jep mundësinë e kandidimit, pa u paraqitur në zyrat e punës, por paraprakisht duhet të jeni të regjistruar në sistem për të kryer këtë procedurë.
Kjo pasi, në rastin kur nuk keni krijuar ende llogarinë tuaj personale, keni të drejtë të vizitoni të gjitha ofertat, por nuk ju jepet mundësia e aplikimit për një vend pune. Këtë të drejtë e merrni pasi keni krijuar profilin e punëkërkuesit, i cili përmban të dhëna bazë si: emri, mbiemri, ditëlindja, numri i kartës së identitetit apo adresa e postës elektronike.
Pas regjistrimit të këtyre të dhënave, sistemi dërgon automatikisht fjalëkalimin në adresën e postës elektronike, i cili mundëson aksesueshmërinë në faqe si dhe aplikimin për vendet e lira të punës.
Gjithashtu, sistemi të mundëson të shtosh edhe informacione mbi shkollimin, eksperiencat në punë, aftësitë mbi gjuhët e huaja, njohuritë kompjuterike, etj.
Ndërkaq, ju mund të përzgjidhni edhe 3 profesione ku dëshironi të punësoheni dhe kjo ju mundëson ardhjen automatikisht të ofertave në kutinë e mesazheve, që përputhen me profesionin tuaj.
Përsa i takon vendeve të punës, ka një larmishmëri profesionesh e zanatesh, duke filluar nga psikologët, kamerierët, recepsionistët në hotele, sekretarë, nëpunës banke, ekonomistë, etj. Aktualisht, në sistemin online të Shërbimit Kombëtar të Punësimit janë regjistruar mbi 37. 500 vetë.
Regjistrimi
1-Mbasi klikon mbi linkun “Regjistrohu”plotëson të dhënat me kujdes.
2-Në fushën NID numri personal duhet te jete me 10 karaktere
3- Në fushën e datëlindjes përdorni kalendarin përbri fushës për lehtësi .
4- Tregoni kujdes të vendoset një adresë emal-i e vlefshme dhe e sakte. Preferohen në domain-e yahoo.com, gmail.com, hotmail.com .
5- Mbas plotësimit klikohet butoni “Ruaj”
6- Në qoftë se të dhënat janë hedhur sakte, sistemi ju lajmëron me një shënim “Shënimet janë ruajtur me sukses. Logohu, Mbylle”
7- Klikoni mbi linkun “Logohu” dhe në menunë kryesore klikoni mbi butonin “Profili”.
8- Tashmë ju jeni loguar në sistemin online. Ndiqni udhëzimet e manualit ne Menunë kyesore “Ndihmë” për të plotësuar CV dhe përfituar nga shërbimet e tjera.
9- Emri i përdoruesit dhe Fjalëkalimi do të shkojnë automatikisht në email-in e vendosur nga ju gjatë regjistrimit.
10-Bëni kujdes gjatë logimit për të vendosur saktë karakteret e Fjalëkalimit.
/Scan
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English