Kryetari i Bashkisë Erion Veliaj ka biseduar me operatorët e transportit publik lidhur me përmirësimin e mundshëm të shërbimit për qytetarët. Veliaj u shpreh se ka diskutuar me kryeministrin dhe pritet të merret një vendim që ka të bëjë me kërkesat e tyre.
Veliaj theksoi se, një prej masave që po konsiderohet seriozisht është heqja e TVSH-së për gjithë sektorin. Ministrja e Transportit pati një takim me Operatorët Ndërqytetës, ndërkohë që gjithë bashkitë do të bëjnë takime me operatorët qytetas. Por Velia theksoi si mundësi rimbursimin e TVSh dhe jo heqjen e saj. Kjo është një formë për të ulur abuzimet sipas tij.
Ai paralajmëroi operatorët se nëse nuk do të rrisin cilësinë e transportit, do t’u hiqet licenca. “Linja e Kopshtit Zoologjik nxjerr nga marmita kancer e kjo s’ka lidhje fare me Covidin. Kjo ka të bëjë me mjete të amortizuara, që janë skandal. Ju kam lënë afat deri në datën 30 tetor. Keni dhe 5 ditë kohë; ose ndryshe do humbisni licencën, siç e humbi “Ferluti”, theksoi Veliaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
