Ushtarët amerikanë të dislokuar në Siri janë duke testuar një dylbi të re për pushkët e precizionit të lartë e cila nuk të lejon të qëllosh deri sa sistemi i shënjestrimit nuk garanton që objektivi do të goditet.
Të quajtura “Smash 2000”, përdorin një sistem imazhi të bazuar në Linux, për të llogaritur trajektoren më të saktë të plumbave në një objektiv specifik, të cilin ushtarët në fillim e “shënojnë” me të dhe më pas shtypin një buton të vogël pranë dorezës mbajtëse të pushkës.
Kur ushtari është gati për të qëlluar, sistemi përcakton nëse shënjestra është e vërteta dhe nëse nuk është, arma nuk mund të qëllojë edhe nëse tërhiqet këmbëza. Në testimin në terren në bazën al-Tanf të ushtrisë amerikane në Siri, afër kufijve juglindorë me Jordaninë dhe Irakun, ushtarët kanë përdorur SMASH 2000 për të goditur kutitë e vogla të vendosur në dronë, ndërsa lëvizin nëpër qiell.
Këto dylbi inteligjente janë përdorur më herë nga Forcat Izraelite të Mbrojtjes, por sipas prodhuesit “Smart Shooter Ltd.”, kjo është hera e parë që ato janë përdorur në Siri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
