Von der Leyen ceku egoizmin e atyre partnerëve, të cilët në fillim të krizës shëndetësore nuk e ndihmuan Italinë, e goditur fort nga Covid-19.
Lexo: COVID-19, BE do të organizojë një konferencë donatorësh më 4 maj
Një javë më parë, krerët e shteteve dhe qeverive diskutuan kërkesat e Francës, Italisë dhe Spanjës për të lëshuar Obligacione Rimëkëmbjeje të afta për të parandaluar recesionin shkatërrues ekonomik nga koronavirusi që penalizon kombet edhe për shkak të borxhit të madh publik. Pak ditë më parë, ministrat e Financave të BE-së kanë gjetur gjuhën për një marrëveshje të përbashkët në lidhje me një paketë financare prej 500 miliardë eurosh për të mbështetur sistemin shëndetësor, ruajtjen e vendeve të punës, likuiditetet për bizneset dhe fondin për një plan ringjalljeje ekonomike në situatën pandemike.
Hipoteza e eurobonove nuk është gjithsesi e përjashtuar plotësisht për të financuar Planin e Rimëkëmbjes, pavarësisht se Holanda dhe Gjermania janë shprehur kundër. Qeveria Holandeze ka kërkuar që ndihma finaciare në suazën e eurobonit të jepet me kushte, kurse kancelarja Merkel deklaroi se ekzistojnë mekanizma të tjerë ndihmues pa prekur rregullat e Mekanizmit Europian të Stabilitetit.
Ndërkohë Ursula von der Leyen së bashku me kreun e Këshillit Europian, belgun Charles Michel, po punon për të provuar të nxisë një marrëveshje midis udhëheqësve të shteteve të BE-së për eurobonot.
Lexo: Zyrtarët e SHBA: Disa shtete mund të jenë gati të hapen
“Askush nuk duhet të fajësohet për këtë krizë”, tha Von der Leyen si për të pastruar fushën e akuzave që vendet e Mesdheut kanë për nordikët dhe anasjelltas.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
