Ulen lejet e ndërtimit për tremujorin e dytë të 2020

lejet e ndertimit

Numri i lejeve të ndërtimit të miratuara nga bashkia Tiranë gjatë tremujorit të dytë të vitit 2020, u ul me 38.3% në krahasim me të njëjtën periudhë të vitit të kaluar.

Sipas INSTAT, 209 leje ndërtimi u miratuan në katër muaj, në krahasim me 339 leje të miratuar në të njëjtën periudhë të 2019. Lejet e miratuara kanë sipërfaqe ndërtimi prej 223,394 metra katrorë, një rënie me 36.6% krahasuar me vitin e kaluar.

Për sa i përket vlerës, vlera e përafërt e lejeve të miratuara është 14.8 miliardë lekë (119 milion euro), një rënie prej 18% krahasuar me vitin e kaluar.

Shumica e lejeve të lëshuara ishin për ndërtesa banimi, gjithsej 136. Rreth 73 ishin ndërtesa komerciale jo-rezidenciale.

Ndërsa ka pasur një rënie në numrin e lejeve të dhëna, kostoja e ndërtimit është rritur duke shënuar një rritje prej 0.4% në vit. Për sa i përket ndryshimit midis tremujorit të dytë të 2020 dhe atij të 2019, kostot u rritën midis 1.0% dhe 1.9%.

Pagat e punonjësve të ndërtimit u ulën me 1 % dhe kostoja e materialeve me 1.2%.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale