Një program i ri për të mbështetur partneritetin midis Shqipërisë dhe Britanisë së Madhe në sektorin e teknologjisë, që synon nxitjen e fillimit të teknologjisë në Shqipëri dhe krijimin e mundësive për të bërë biznes me Mbretërinë e Bashkuar. Kjo është një nismë e re që mbështet aftësitë e sipërmarrjes.
Pse ky projekt?
Rinia shqiptare është shumë dinamike, e arsimuar mirë dhe anglishtfolëse. Inovacioni në ditët e sotme është parakushti numër një për ekonomitë dhe vendet që të përparojnë dhe ky projekt mbështet ambicjet e Mbretërisë së Bashkuar dhe të Shqipërisë në këtë drejtim.
Kush?
Ambasada Britanike në Tiranë dhe Këshilli Britanik në Shqipëri po zbatojnë një model të krijuar dhe provuar diku tjetër në rrjet, i cili përfshin një qasje prej tre hapash për të mbështetur startup-et e teknologjisë;
1. Një seri seminaresh mbi biznesin ndërkombëtar dhe të Britanisë së Madhe në sektorin e teknologjisë,
2. Programi i shkëmbimit për të eksploruar mundësitë e biznesit në sektorin e teknologjisë britanike
3. Një program për të rritur performancën e startupeve të përzgjedhur
Cili është procesi?
Mundësia për të marrë pjesë në program tani është e hapur për të gjitha startupet e teknologjisë që tashmë janë vendosur në tregun shqiptar. Startupet e përzgjedhur (bazuar në një sërë kriteresh) do të fillojnë një program trajnimi me disa nga ekspertët më të mirë nga Mbretëria e Bashkuar dhe Shqipëria, e ndjekur kjo nga një program shkëmbimi në Britaninë e Madhe.
Çfarë ndodh më pas?
A jeni i interesuar të bashkoheni në këtë program? A dëshironi të jeni një nga startupet e para të teknologjisë shqiptare për tu futur në tregun e Britanisë së Madhe? Nëse po, atëherë plotësoni formularin e aplikimit dhe dërgoni me email në [email protected] deri më 25 shtator 2017.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
