Uebfaqet më të mira për sipërmarrësit e rinj


Sipërmarrësit e rinj po bëjnë një diferencë të madhe në botën e biznesit. Nga produktet dhe shpikjet e tyre e deri në aftësinë për të krijuar marrëdhënie të reja në kuptimin e plotë të fjalës, ka çfarë të thuhet për gjeneratën e re të biznesit.

Sipas Kickstarter, ata shpesh janë të parët që provojnë diçka të re ose mbështesin idetë e tjera të biznesit. Duke qenë të vetëdijshëm për këtë fakt, ku drejtohen sipërmarrësit e rinj kur kanë nevojë për informacion? A ka faqe të internetit të dizajnuara posaçërisht për dhënien e këshillave ndaj gjeneratës së re? Cilat janë faqet më të rekomanduara?

Më poshtë është një listë e burimeve më të mira online që kemi gjetur për ndërmarrësit e rinj:

  1. Young Entrepreneur. Pjesë e Entrepreneur.com, Young Entrepreneur është një burim i popullarizuar për sipërmarrësit nën 30 vjeç. E mbushur me këshilla dhe tregime të mira për sipërmarrësit e rinj, është një faqe interneti që duhet të jetë një pikë e shpeshtë referimi. Young Entrepreneur gjithashtu ka faqe në Facebook dhe Twitter.
  2. Magazina Inc. Një listë jashtëzakonisht gjithëpërfshirëse e artikujve të shkurtër, edukativë mbi gjithçka që lidhet me biznesin, nga fillimi deri në financim drejt udhëheqjes dhe rritjes. Kjo revistë është e mirë për parimet mbi bazat e biznesit, duke u zhytur në terminologji dhe hap pas hapi.
  3. Junior Achievement. Junior Achievement(JA) është një organizatë që udhëhiqet nga vullnetarët dhe u mëson nxënësve sipërmarrjen, edukimin financiar dhe gatishmërinë për punë. Fëmijët që marrin pjesë në program janë më të përgatitur për botën e punës sapo ata të kenë përfunduar shkollën. Organizata dhuron një numër çmimesh prestigjioze çdo vit. Ato janë çmimi JA Kompania e Vitit, çmimi i Sfidës Kombëtare të Planit të Biznesit JA, çmimi më i mirë për performancën financiare të NYSE dhe çmimi FedEx Access.
  4. Mashable. Burimi më i madh i pavarur i lajmeve dedikuar për kulturën dixhitale, mediat sociale dhe teknologjinë, Mashable është një burim për gati të gjitha llojet e njerëzve. Por qasja e saj e drejtpërdrejtë dhe teksti i paargumentuar e bëjnë atë të preferuar edhe në mesin e sipërmarrësve më pak të njohur të teknologjisë. Në këtë uebfaqe mund të zhytesh në çdo gjë që lidhet me teknologjinë ose përzgjedhjen e platformës më të mirë të teknologjisë, softuerit ose pjesë të pajisjes për ju ose kompaninë tuaj.
  5. Social Media Examiner. Një blog për gjithçka që lidhet me mediat sociale. Plus, është një uebfaqe aktuale dhe gjithëpërfshirëse, përmes së cilës mund të vendosni nëse mjetet e ndryshme të mediave sociale do t’ju ndihmojnë të arrini qëllimet tuaja të biznesit.
  6. ProBlogger. Nuk keni nevojë të jeni një bloger zyrtar për të përfituar nga faqja e Darren Rowse. Edhe bizneset që kanë për qëllim vetëm ta përdorin një blog si një mjet promovues mund të mësojnë shumë nga kjo enciklopedi e informacionit që lidhet me blogun.
  7. Ariu i Mençur. Sipërmarrësi serial Jason Cohen e shiti startupin e tij të fundit në vitin 2007, por vazhdon të mentorojë sipërmarrësit dhe të marrë pjesë në komunitetin e startupeve. Përvoja e tij dhe njohuritë prapa skenave janë një kronikë në blogun e tij.
  8. CEO Nën 30 vjeç. Një blog për startupet që përqendrohet të bizneset e vogla dhe sipërmarrësit e rinj. Një vend i mirë për këshilla të shpejta strategjike.
  9. Paul Graham. Njohuritë e themeluesit të inkubatorit në Silicon Valley- Y Combinator, shtrihen përtej teknologjisë dhe komuniteteve të startupeve. Nga blogu i tij mund të përfitoni këshilla nga një veteran i botës së startupeve dhe një perspektivë me përvojë në industrinë sipërmarrëse.

Nëse je një sipërmarrës i ri dhe të mungon përvoja e duhur për t’u marrë seriozisht, mos u shqetëso. Vizito faqet e mësipërme të internetit për informacion të përditësuar dhe këshilla të dobishme rreth drejtimit të një biznesi të suksesshëm. Më e rëndësishmja, mos u dorëzoni menjëherë. Bota është plot me mendje krijuese. Është detyra juaj t’i tregoni botës se ka nevojë për idetë, produktet dhe shërbimet tuaja. Kjo është ajo që ju jep juve një avantazh.

/TheMuse.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale