Duket se Uber e ka gjetur arsyen e aksidentit tragjik të muajit Mars ku një grua u përplas për vdekje në Tampe të Arizonës nga një nga makinat testuese të kompanisë. Kompania beson se sensorët e makinës e dalluan 49 vjeçaren Elaine Herzberg, por e konsideruan atë si një të ashtuquajtur “false positive”.
Duket e çuditshme, por shpesh sistemi e bën këtë. Ka shumë situata kur kompjuterët që i japin fuqi makinës, mund të shohin një objekt dhe mund të mendojë se është një njeri ose një pengesë tjetër. Uber thuhet se e la këtë prag në nivel shumë të ulët. Dhe pikërisht ky ishte problemi. Sensori e pa se kishte një pengesë dhe vendosi se një veprim i menjëhershëm nuk ishte i nevojshëm. Makina gjithashtu kishte në shofer i cili supozohej të monitoronte punën e makinës. Siç shihet edhe në video, shihet se ai e kishte kokën të ulur në atë moment dhe nuk ishte i vëmendshëm.
Vlen për t’u përmendur gjithashtu se vendi ku gruaja po kalonte rrugën ishte tepër i errët dhe jo i dedikuar për kalimin e këmbësorëve. Pra thellë thellë, faji është i të dyja palëve.
Pas ngjarjes, të gjitha testet e Uber janë pezulluar për një kohë të pa caktuar. Kompania është duke punuar ndërkohë me National Transportation Safety Board e cila po investigon ngjarjen.
Ndërkohë një zëdhënës i Uber shprehet se:
“Jemi duke punuar gjatë gjithë kohës me NTSB për këtë çështje. Në respekt të proçesit dhe NTSB, nuk mund të japim detaje të mëtejshme. Ndërkohë jemi duke rishikuar të gjithë programin tonë për teknologjinë në fjalë. Gjithashtu kemi sjellë Christopher Hart, anëtar i NTSB për të ndërtuar një program të qartë dhe të duhur. Rishikimi ynë përfshin çdo gjë nga siguria e sistemit e deri tek trajnimi i shoferëve. Shpresojmë që së shpejti do të kemi akoma edhe më shumë për të thënë.
Burimi: The Verge
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
