Prodhuesi turk i automjeteve, Togg, bëri publike cmimet për shitjen e një automjeti elektrik të prodhuar në Turqi.
Modeli Suv i segmentit C do të jetë ‘Togg T10X’ i cili është në shitje duke filluar nga 46.800 euro, ndërsa dy versionet e tjera më të avancuara të të njëjtit model do të shiten për rreth 51.790 euro dhe për 59.640 euro. Porositë e para janë bërë dhe do të vazhdojnë deri në 27 mars. Ndërsa dorëzimet e automjeteve tek klientët do të nisin në fund të muajit tetor të këtij viti.
Automjeti i prodhimit turk mund të përshkojë 314 kilometra në opsionet e autonomisë standarte. Ndërsa opsioni tjetër i ofron përdoruesve të saj një autonomi prej 523 kilometrash.
Togg, një shkurtim për “Turkiyènin Otomobili Girisim Grubu” – Automotive Enterprise Group of Turkey, është një konsorcium i pesë kompanive turke i themeluar në vitin 2018 dhe, pas rreth katër vitesh punë, filloi prodhimin masiv të automjeteve në fund të vitit të kaluar. Kapaciteti vjetor i prodhimit është aktualisht 100 mijë automjete, por kompania synon ta rrisë atë në 175 mijë njësi në vit, duke prodhuar 1 milion automjete deri në vitin 2030.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
