Çfarë nëse do të mund të shihni çdo pjesë të trupit tuaj, nga gjenet e deri tek qelizat e vogla? Shkencëtarët janë rrugës për të krijuar një regjistër të njohur si Human Cell Atlas.
Mendoni për të si një GPS makine, por për qelizat që përfshin informacion se si ato ndryshojnë me kalimin e kohës. Ky kërkim, mund të përgjigjet për mistere shkencore, siç janë formimi i kockave, zhvillimi i artritit dhe sëmundjes së Crohn-it.
Deri tani janë mbledhur mbi më shumë se 100 milionë qeliza por ata shpresojnë që atlas-i të përfshijë miliarda qeliza. “Ky nivel i ri njohurie mbi gjenet dhe qelizat brenda indeve hap mundësi për diagnostikim më të saktë dhe zbulim barnash inovative. Ai gjithashtu mundëson mjekësi rigjeneruese të avancuar,” tha Prof. Sarah Teichmann, bashkë-kryetare e Human Cell Atlas.
Studiuesit, të cilët kanë botuar punën e tyre në Nature, izoluan qelizat e veçanta dhe përdorën analizë kompjuterike dhe inteligjencë artificiale (AI) për t’i identifikuar ato. Ata gjithashtu përdorën AI për të kërkuar qeliza në regjistrin e tyre.
E dini se mund të bëni një “kërkim me imazh” duke ngarkuar imazhin për të kërkuar informacion? Hulumtuesit mund të përdorin një proces të ngjashëm për të ndihmuar ekspertët të diagnostikojnë sëmundje.
Lexo edhe A është endometrioza e lidhur me një rrezik më të madh për jetëgjatësinë? Ja çfarë thotë studimi
Ky grumbull dritash dhe ngjyrash është një pamje e zmadhuar e indeve të mushkërive. Shkencëtarët kanë studiuar përgjigjen e trupit ndaj COVID-19 që nga viti 2020. Punimet e reja shpjegojnë si mushkëritë reagojnë ndaj sëmundjes.
Ndërsa kjo mund të duket si një interpretim artistik i një plazhi i krijuar me bojë që ndriçon në errësirë, por në fakt është zorra e vogël.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English