Lira kishte rënë me më shumë se 20% javën e kaluar, kur u intensifikuan përplasjet politike me Shtetet e Bashkuara dhe investitorët vunë re mungesën e veprimit të qeverisë turke për të trajtuar problemet që pengojnë zhvillimin e saj ekonomik.
Rënia e lirës ka krijuar tregje globale të paqëndrueshme. Bankat europiane janë nën presion të veçantë për shkak të shqetësimeve rreth ekspozimit të huadhënësve ndaj Turqisë, shkruan CNN. Të hënën, rezervat ranë 2% në Tokio dhe më shumë se 1% në Hong Kong.
Presidenti turk Rexhep Tajip Erdogan ka hedhur poshtë thirrjet për vendin për të rritur normat e interesit, në përpjekje për të lehtësuar krizën .”Ne nuk do ta bëjmë një gjë të tillë. Nëse investitorët vijnë me dollarë atëherë ne do të gjejmë mënyra të tjera për të bërë biznes”. U shpreh Erdogan në një fjalim të dielën.
Ekonomistët po paralajmërojnë se nëse besimi nuk do të restaurohet shpejt, Turqia mund të bjerë në një krizë recesioni dhe borxhi që kërkon një shpëtim nga Fondi Monetar Ndërkombëtar.
“Investitorët janë të shqetësuar qartazi se qeveria e Turqisë nuk do të veprojë (ose të lejojë bankën qendrore të veprojë) për të rritur monedhën dhe frika po rritet. Kjo mund të rezultojë në një krizë në sektorin bankar të Turqisë”, – shkroi William Jackson, ekonomist në firmën kërkimore Capital Economics, në një shënim për klientët ditën e premte.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
