Pas pestigjiozes “Le Figaro”, një tjetër media franceze këtë herë online “Skyskanner” rendit Shqipërinë ndër destinacionet “top” të turizmit për vitin 2016. Vendi ynë renditet shteti i katërt. Në shkrim bëhet një vlerësim si destinacione të mundshme turistike për vitin e ardhshëm, për pesë shtete dhe 6 qytete, të cilat duhet të vizitohen.
“A dëshironi aventurë, diell apo një ndryshim skenari? Zbuloni se cilat mund të jenë disa nga këto destinacione. Ato janë të pasura me kulturë, aktivitete dhe janë destinacione që ‘shkëlqejnë’’ shkruan “Skyskanner”.
Qytet më në trend për 2016-ën
Për fundjavat e gjata me familjen, shoqërinë ose për vetmitarët tri janë qytetet europiane që do të jenë tendencë për vitin e ardhshëm, ku padyshim mbizotërojnë ato italiane.
1. Alghero – Sardenja
Ky qytet përfaqëson traditat dhe katalanase, ndërsa ofron një sërë aktivitetesh multikulturore.
2. Napoli
Mirësevini në jug të Italisë! Mund të vizitoni qendrën dhe të ecni në rrugën “Via San Gregorio Armeno” plot me rrënoja napolitanë.
3. Pisa
Mos humbisni të viziotni kullën e famshme. Nëse shkoni në verë vizitojeni më mirë me biçikletë.
4. Havana
Një destinacion romantik, ku nuk mungon argëtimi nën tingujt e çmendur të muzikës.
5. Moska
Një kryeqytet dinamik, kozmopolitikan. Muze pa fund, shëtitje në parkun Gorki, apo në lumin e Moskës.
6. Tokio
Tradicionale dhe moderne, kjo është çka ofron qyteti në zemër të Japonisë. Ju do të zbuloni tempuj, muzeume dhe restorante fantastike. Mos lini pa vizituar edhe tempullin Sensoji.
Shtetet më trendi për 2016-ën
1. Kuba
Një destinacion plot, ngjyra, jashtë çdo skenari. Ka një gjeografi dhe kulturë të pasur. Mund të bëni sport, por edhe të relaksoheni, do të kenaqeni pa masë. Mos ikni nga Kuba pa shijuar rumba, mambo apo salsa.
2. Rusia
Për një udhëtim të pasur, ju ofrohet Rusia. Territori është aq i madh sa nëse nuk do të gjeni atë që kërkoni askush nuk do t’ju besojë.
3. Kepi i Gjelbër
Toka e vullkaneve është një mrekulli. Janë dhjetë ishuj që gjenden në pjesën perëndimore të brigjeve të Senegalit. Aty gjejnë gjithçka ata që janë të pasionuar pas sportit të zhytjes.
4. Shqipëria
Nëse jeni duke kërkuar për një destinacion të qetë dhe larg zhurmave dhe turmave atëherë Shqipëria bën për ju. Është e mbushur me cepa parajse. Ju mund të shijoni brigjet e jugut te vendit dhe të zhyteni në ujërat e plazhit të Vlorës.
5. Sllovenia
Mes detit dhe skive, Sllovenia ka se çfarë të ofrojë. E pozicionuar në veri të Kroacisë dhe në jug të Austrisë është një destinacion që ia vlen të vizitohet.
/Monitor/
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
