Turistët deri në 6 milionë këtë vit, sipas Kryeministrit Rama
Përditësuar së fundmi: 01/09/2018

Turistët deri në 6 milionë këtë vit, sipas Kryeministrit Rama

Share
nga Albana Mucaj
Sht 01, 2018

Përfundimi i stinës së verës dhe vizita në zonën bregdetare të Vlorës, e ka nxitur Kryeministrin Edi Rama të bëjë një bilanc të turizmit dhe infrastrukturës në shërbim të tij.

Rama tha se ky sezon ishte më i miri dhe pritshmëritë deri në fund të vitit janë për 6 milionë turistë.

Sipas tij, pritshmëritë janë më të larta vitin e ardhshëm, pasi vijimi i projektit të Lungomares, transformimi i vijës bregdetare të Radhimës dhe zgjidhja e problemit të mbetjeve, do të jenë objektiv për një mundësi më shumë për sektorin e turizmit.

Në muajin korrik edhe në gusht, është rritur ndjeshëm numri i vizitorëve (shqiptarë dhe të huaj) që hynë në Shqipëri.

Në muajin që sapo mbyllëm, pati 1.45 milionë vizitorë, siipas INSTAT, ose gati 27% më shumë se Gushtin e vitit të kaluar.