Trump kërcënon mbylljen e rrjeteve sociale pas përplasjes me Twitter

Twitter

Presidenti amerikan, Donald Trump kërcënoi se do të mbyllë platformat e mediave sociale, pasi Twitter korrigjoi Trump-in, më saktë dy postime në të cilat ai paralajmëronte mbi rrezikun e manipulimit zgjedhor, pasi guvernatori i Kalifornisë, Gavin Newsom dhe kolegë të tjerë të tij thanë se po vlerësojnë mundësinë e votimit me postë për shkak të koronavirusit.

Në ndërhyrjet e bëra nga Twitter, kur përdoruesit, që shikonin postimet e presidentit amerikan klikonin në paralajmërimin e vendosur nga Twitter-i, rrjeti social i drejtonte ata tek një njoftim i titulluar: Trump bën pretendimin e pabazuar se fletëvotimet me postë do të çojnë në mashtrim zgjedhor.

Bashkë me paralajmërimin vinte një link që të dërgonte tek shkrimet e rrjetit CNN dhe gazetës Washington Post, si dhe përfshinte një shënim me titull “Çfarë duhet të dini”.

Në postime, Trump pretendonte se votimi përmes postës i përdorur nga disa shtete demokratike për pandeminë e koronavirusit përkthehet në manipulime zgjedhore. Drejtori ekzekutiv i Twitter, Jack Dorsey, iu përgjigj kritikave për politikat e kontrollit të fakteve të platformës, duke thënë: “Ne do të vazhdojmë të sinjalizojmë për informacionet jo korrekte ose të pa konfirmuara mbi zgjedhjet në të gjithë globin. E kjo është një shuplakë për presidentin, që tani kërcënon me dekretin e ri e madje edhe me mbylljen e plotë të platformave”.

“Të mëdhenjtë e internetit po bëjnë të pamundurën për të më censuruar në prag të zgjedhjeve të 2020 – ka thënë Trump. Nëse kjo ndodh, nuk kemi më liritë tona e unë nuk do ta lejoj këtë. Kanë provuar ta bëjnë në 2016 dhe kanë humbur. Twitter ka dëshmuar tani se gjithçka që kam thënë për ta, është e drejtë” – ka shtuar Trump. “Do të kemi zhvillime të reja”.

Lexoni: Trump beson se vaksina COVID-19 do të jetë gati deri në fund të vitit

Por opsionet e Trump për të goditur Twitter-in dhe platforma të tjera mbi mënyrën sesi ato i moderojnë platformat e tyre janë disi të kufizuara, thonë ekspertët ligjorë.

Megjithatë, tensioni në rritje me Shtëpinë e Bardhë mund të perceptohet si një kërcënim për kompanitë e mediave sociale. Twitter dhe Facebook panë se aksionet e tyre pësuan rënie, në një ditë kur tregu i përgjithshëm ishte në rritje, shkruan CNN.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale