Modeli më i ri kinez i transportit publik është një autobus, tram dhe tren të gjitha në një.
Firma prodhuese CRRC e quan atë “autobusi inteligjent” (smart bus), por është më shumë se kaq. Si tren, mjafton t’i shtohen vagonët; ndërsa si autobus ai mund të lëviz lirshëm nëpër rrugë.
Treni është i pajisur me sensorë që e lejojnë të ndjek vijat e bardha në rrugë.
“Është njësoj sikur të kesh një hekurudhë virtuale për autobusin,” tha Feng Jianghua, inxhinieri kryesor i CRRC.
Autobusi 30 metra i gjatë mban 300 pasagjerë në tre vagon. Më shumë vagonë mund të shtohen ose hiqen sipas nevojës.
Autobusi inteligjent, i quajtur ndryshe ART, do të kushtojë më pak se sistemi i tramvait apo metrosë, pasi nuk kërkon një infrastrukturë të përcaktuar.
Kjo mendohet të jetë zgjidhja për shumë qytete të vogla në Kinë të cilët nuk mund të përballojnë ndërtimin e hekurudhave.
Një linjë prej 6,5 kilometrash e ART do të ndërtohet në qytetin kinez të Zhuzhou, në vitin 2018.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
