Tregu i banesave, ulet kosto e ndërtimit sipas INSTAT


INSTAT bën të ditur se, në tremujorin e tretë të këtij viti, indeksi i kushtimit në ndërtim (për banesa) u ul me 0.1 %, krahasuar me një vit më parë. Për T3, indeksi i kushtimit arriti 0.4 % nga 0.5 % që ishte për të njëjtën periudhë të viti 2014.

Krahasuar me tremujorin e tretë të vitit 2014, rritjen më të madhe e ka patur grupi “shpenzime page” me 1,6 %. Ndërsa ulja më e madhe vjetore vërehet në grupin ”shpenzime materiale” me 1,3 % pasuar nga grupi “shpenzime energjie” me 0,8 %.

Në tremujorin e tretë 2015 ndryshimi tremujor i indeksit është 0,1 %. Krahasuar me tremujorin e dytë të vitit 2015, rritjen më të madhe e ka patur grupi “shpenzime page” me 0,9 %. Indeksi i çmimeve të grupit “shpenzime materiale” është rritur me 0,3 % krahasuar me tremujorin e mëparshëm.

Brenda këtij grupi rritjen më të madhe e patën nëngrupet “materiale elektrike dhe komunikimi” me 0,6 % dhe “materiale ndërtimi” me 0,3 %. Indeksi i grupit ”shpenzime të tjera” u ul me 1,2 %, krahasuar me tremujorin e mëparshëm, pasuar nga grupet “shpenzime makinerie” dhe “shpenzime transporti” me 0,1 % secili.

/Balkanweb/

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale