AGOG Marketing rikthehet sërisht me trajnimin: Facebook & Instagram 101!
Organizohet për të tretën herë Facebook & Instagram 101, në datat 28-29 Maj 2019. Periudha e vitit ku të gjithë jemi të etur për më shumë informacione!
Kontakti me rrjetet sociale është i pashmangshëm. Shumë nga ju mund të kenë filluar ta shohin edhe si një punë. Nga rrjetet sociale mund të fitosh shumë!
Nëse po e lexon këtë përshkrim, ne mund të kuptojmë se je duke menduar të nisësh promovimin e biznesit apo pasioneve të tua ose të nisësh një karrierë në fushën e Marketingut të Rrjeteve Sociale.
Ky trajnim do të të ofrojë pikërisht atë çfarë ti ke nevojë për të nisur mbarë në dy prej rrjeteve sociale më të përdorura në Shqipëri: Facebook dhe Instagram.
Ashtu si edhe dy trajnimet e mëparshme, AGOG është kompania organizuese, e specializuar në marketingun online, me folës Keti Gjipali dhe Vasken Spiru.
I ndarë në dy ditë (nga 3 orë) dhe 4 seksione (nga 80 minuta), në përfundim të trajnimit ju do të keni njohuritë e duhura për të hapur tashmë faqen tuaj në Facebook, optimizuar faqen për kërkime, e shumë të tjera. Do të dini të përzgjidhni një foto, krijoni një fushatë promovimi apo të lexoni e kuptoni statistikat dhe sjelljen e ndjekësve tuaj.
Pas trajnimit dy ditor, pjesëmarrësit do të pajisen me një Çertifikatë nga AGOG Marketing.
*Tarifa për këtë trajnim është 4000 Lekë, për të dyja ditët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
