“Tradita që nuk vdes kurrë”/ Kjo sipërmarrëse qendistarinë e ktheu në biznes: “Zanatin ma mësoi komshija ” - Business Magazine Albania

“Tradita që nuk vdes kurrë”/ Kjo sipërmarrëse qendistarinë e ktheu në biznes: “Zanatin ma mësoi komshija ”

Albana Balla është një nga finalistet e konkursit IDEA. Ajo është 43 vjeçe dhe ka një eksperiencë mbi 15 vjeçare në qendistari, kryesisht punime popullore të zonës së Beratit. Këtë zanat Albana ka arritur ta kthejë në një biznes. Ajo prodhon kostume të ndryshme popullore, punime bize, prodeni, tezgjahu. Prej disa vitesh ka hapur një dyqan për shitjen e këtyre produkteve në zonën historike të qytetit të Beratit, duke synuar vizitorët dhe turistët e shumtë në këtë qytet, vendas dhe të huaj.

Ajo çfarë e dallon Albanën është përkushtimi i saj ndaj klientit dhe realizimi i punës tërësisht në mënyrë artizanale e tradicionale. Së fundi, në bashkëpunim me kishën Katolike në Berat, ajo ka nisur të trajnojë dhe shumë gra të zonës në qendistari si dhe t’u ofroj atyre një mundësi punësimi.

Sa i takon motos së saj, Albana shprehet se në filozofinë e saj gjithnjë ka qenë korrektësia dhe cilësia ndaj klientit.

Për personin që i mësoi zanatin e qendistarisë Albana për Business Magazine shprehet se ka qenë një vajzë, e cila ishte komshie me të:

“Duke shikuar atë që punonte më lindi dëshira për qëndisje. Brenda meje ishte dëshira për qendisje se që fëmije shikoja nënën time të qendiste pajat e vajzave që martoheshin dhe për mua ishte diçka shumë e bukur, që më emociononte.”

Lexo edhe: “Green Posta” biznesi që kërkon të digjitalizohet më shumë: “Marketingu ynë bazohet te fjalët e gojës, flota është arma jonë e fortë”

Albana ka në plan ta zgjerojë biznesin e saj edhe tek diaspora shqiptare:

“Mendoj ta zgjeroj biznesin tim, duke e mbështetur në traditën popullore, veçanërisht në atë të qendisjes së kostumeve popullore. Kjo ide me lindi si rrjedhojë e kërkesës së tregut të huaj dhe vendas, në veçanti të emigrantëve që jetojnë jashtë vendit”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0