Tiranë - shtyhet një muaj afati i pagesës së taksave lokale - Business Magazine Albania

Tiranë – shtyhet një muaj afati i pagesës së taksave lokale

Tiranë

Pagesa e taksës vendore është shtyrë në kohë, në Tiranë. Këshilli Bashkiak i Tiranës ka miratuar disa lehtësi, nisur nga situata ku ndodhet vendi, ndikuar nga lufta Rusi-Ukrainë. Kjo e fundit solli rritje të çmimeve dhe kostove për bizneset.

Ndaj, Këshilli Bashkiak ka vendosur të shtyjë afatin e pagesës për tarifën e pastrimit, taksën e tabelës dhe taksën e përkohshme të infrastrukturës arsimore për datën 20 maj 2022.

Njëkohësisht, shtyrje afati është parashikuar për taksat mbi pasurinë e paluajtshme, taksa mbi ndërtesën, truallin dhe taksa e tokës bujqësore. Edhe për këto afati është më 20 maj 2022. Kësti i dytë ka afat deri më datën 31 korrik 2022.

Drejtoria e Përgjithshme e Taksave dhe Tarifave Vendore u bën apel bizneseve që të respektojnë këto afate, në mënyrë që të shmangin penalitetet. Sipas legjislacionit në fuqi, afati që duheshin paguar këto taksa dhe tarifa ishte data 20 Prill.

Vendimi vlen vetëm për subjektet në kryeqytet.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0