Kryetari i Bashkisë së Tiranës, Erion Veliaj ka publikuar në Twitter lajmin se kryeqyteti do të testoj këtë vjeshtë autobusët elektrik.
So excited to announce that Tirana will be testing Electric Buses in its routes by this fall. A new era for green public transport in 🇦🇱
🚍🌳🚏 pic.twitter.com/gbtg2SKLAC
— Erion Veliaj #B40Presidency 🇪🇺🇦🇱 (@erionveliaj) August 26, 2017
Shqipëria konsiderohet një nga vendet më të gjelbërta të Europës, për faktin se prodhimi kryesor i energjisë vjen nga hidrocentralet, në kombinim me energjinë diellore dhe përdorimin masiv të paneleve diellore për ngrohjen e ujit dhe mënyra të tjera të konsumit në shtëpi për banorët e saj.
Jo shumë kohë më parë, vendi zbuloi flotën e makinave elektrike që do të përdorej nga forcat policore shqiptare, “i vetmi në rajon dhe një nga pestët në Europë.”
Lexoni: SayTaxi Albania: Një Shqipëri e pastër me makina elektrike
Për të bërë një hap tjetër në drejtimin e një të ardhmeje të gjelbër, Tirana pritet të testojë autobusët e rinj elektrikë në rrugët e qytetit në vjeshtën e këtij viti, duke u bërë një nga vendet e para në rajonin e Ballkanit që aplikon këtë mënyrë të transportit.
Autobusët elektrikë mund të jenë e ardhmja e transportit publik, por sot ata janë akoma më të kushtueshëm se ekuivalentët e tyre me naftë. Prandaj, përdorimi i tyre kërkon që operatorët privatë të subvencionohen ose të mbulohen shpenzimet më të larta për operatorët publikë.
Shumë detaje janë akoma të pazbuluara, por postimi i Kryebashkiakut në Twitter tregon se modelet e autobusëve do të vijnë nga prodhuesi polak Solaris, që ndërton autobusë elektrikë të cilët përdorin teknologjinë tradicionale të karikimit për të ngarkuar bateritë e tyre 160 kWh.
Franca gjithashtu po i përdor në transportin e saj publik autobusët nga Solaris, 8.9 m të gjatë, dhe ja vlen të përmendet fakti se Solaris Bus ka fituar çmimin “Autobusi i Vitit 2017.”
Autobusët janë të pajisur me shumë funksione që ofrojnë komoditet dhe siguri, si për shembull ajri i kondicionuar, ndriçmi ekologjik LED dhe sistemi i monitorimit.
/DigitalSpoiler
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
