Brukseli, Dublini, Sofja dhe Tirana u zgjodhën për të krijuar një kuadër pilot referuar të drejtave digjitale - Business Magazine Albania

Brukseli, Dublini, Sofja dhe Tirana u zgjodhën për të krijuar një kuadër pilot referuar të drejtave digjitale

digital framework

Brukseli, i Belgjikës, Dublini, i Irlandës, Sofja, e Bullgarisë dhe Tirana, e Shqipërisë, do të punojnë me ekspertë në qeverisjen digjitale për të bashkë-krijuar, hartuar dhe pilotuar një kuadër ligjor të të drejtave digjitale. Vendet do të marrin këshilla teknike, mbështetje ad hoc dhe të dhëna këshilluese për të adresuar sfidat urgjente që lidhen me aspektet etike dhe të të drejtave digjitale të strategjive dhe projekteve të tyre lokale digjitale.

Koalicioni i Qyteteve për të Drejtat Digjitale (The Cities Coalition for Digital Rights), UN-Habitat, Eurocities dhe United Cities and Local Governments – UCLG, me mbështetjen e Open Society Foundations, zhvilloi kuadrin si një mbështetje normative dhe teknike për mbrojtjen e të drejtave të njeriut në kontekstin digjital dhe atë të qeverisjes vendore.

Pas fazës pilot, qeveritë e katër qyteteve do të kenë rritur kapacitetin për të avancuar të drejtat digjitale në kontekstet e tyre lokale dhe për të ndarë mësimet me qytete nga e gjithë bota.

Lexo: Emigracioni prek industrinë ushqimore

Dublini, Brukseli, Sofja dhe Tirana u përzgjodhën në një thirrje të hapur që qytetet europiane të ndajnë sfidat e tyre për të drejtat digjitale.

Për shkak se teknologjitë digjitale ndikojnë në ndryshimin me një ritëm të shpejtë në shoqëri dhe mund të kenë ndikim të paparashikuar ose të papritur te individët dhe komunitetet, ekziston nevoja për modele të përmirësuara të qeverisjes për të menaxhuar mundësitë dhe rreziqet e nxitura nga teknologjia dhe për të siguruar që të drejtat digjitale të mbrohen dhe promovohen.

Duke nisur nga planifikimi i veprimeve të qytetit për të luftuar ndarjen digjitale deri te krijimi i një programi për ngritjen e kapaciteteve për stafin e bashkisë, sfidat synojnë zbatimin praktik të të drejtave digjitale në nivel qyteti në një mënyrë koherente dhe të qëndrueshme dhe do të ofrojnë njohuri për qytetet e tjera që duan të rrisin kapacitetet në kontekstet e tyre lokale.

Paketat e materialeve të krijuara gjatë pilotimeve do të vihen në dispozicion për qytetet e tjera në një Helpdesk për të Drejtat Digjitale, një platformë me një depo të burimeve të të drejtave digjitale që do të përfshijë gjithashtu mbështetje këshillimore të ekspertëve sipas kërkesës, e cila do të lançohet përgjatë vitit.

Citiesfordigitalrights

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0