Tirana Bank shitet tek Grupi “Balfin” dhe Banka Maqedonase “Komercijalna Banka”

Tirana Bank shitet tek Grupi “Balfin” dhe Banka Maqedonase “Komercijalna Banka”


Grupi Balfin dhe Komercijalna Banka kanë bërë të ditur përmbylljen e marrëveshjes me Bankën e Pireut për të marrë në zotërim aksionet e Tirana Bank. Në një transaksion që vlerësohet të jetë mbi 57 milionë euro, peshën më të madhe e ka Balfin.

Fakti bëhet i ditur nga burime zyrtare të grupit Balfin, i cili thekson se, “Balfin dhe Komercijalna kanë një histori të gjatë bashkëpunimi në Maqedoni, por ky është rasti i parë kur bashkëpunimi shtrihet edhe në Shqipëri”.

Transaksioni po u nënshtrohet proceseve të miratimit të rregullave në fuqi në legjislacionet përkatëse.

“Tirana Bank do të vijojë të operojë e pavarur dhe e menaxhuar nga profesionistë me përvojë dhe e udhëhequr nga një bord ndërkombëtar, si dhe do t’i zgjerojnë më tej veprimtaritë e saj bankare në Shqipëri”, thuhet në njoftimin zyrtar të Baflin.

Lexoni: Sipërmarrjet shqiptare rrisin investimet në Ballkan

Tirana Bank vlerësohet nga grupi për rëndësinë në zhvillimet financiare të Shqipërisë.

“Balfin dhe Komercijalna do të mbështeten te ky reputacion dhe te besimi i shfaqur nga klientët për t’i zgjeruar më tej veprimtaritë e bankës.

Grupi Balfin ka zgjeruar ndjeshëm portofolin e investimeve këtë vit, në fusha dhe vende të reja.

Ndërkohë, Komercijalna Bank, e njohur ndryshe si Banka Komunale e shkupit, ka si fokus parësor dhënin e kredisë për biznezet e shitjes me pakicë si zhvillimin e produkteve të reja përmes internetit dhe platformave dixhitale. Asetet saj arrijnë në 1.737 miliardë euro, duke bërë që ajo të jetë ndër më të mëdhatë në Europën Jug Lindore.

Tirana Bank është banka e dytë tregtare që ndryshon pronësi këtë vit, pas NBG, ku investitori tashmë është ABI Bank.

Lexoni: NBG Shqipëri blihet nga Banka Amerikane e Investimeve ABI Bank

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0