Tinder do të shtojë së shpejti opsionin e ri “Blind Date” që ndryshon mënyrën e zakonshme të përdorimit duke bërë swipe majtas apo djathtas. Kësaj here ju do të komunikoni me personat e tjerë para se të shikoni fotografitë e tyre.
Blind Date është shërbimi më i ri i shtuar në linjën Fast Chat të Tinder, e cila ofron dhe eksperienca të tjera si Hot Takes dhe Swipe Night.
Përmes Blind Dates, përdoruesit e Tinder do të përputhen bazuar në të përbashkëtat e tyre, do t’i përgjigjen pyetjeve dhe do të luajnë lojra. Më pas nëse ato dëshirojnë të bëjnë “match”, do të shohin për herë të parë fotografitë e njeri-tjetrit.
Brenda këtij shërbimi përdoruesit duhet t’i përgjigjen pyetjeve si “A është OK që të veshësh një bluzë _ herë pa e larë atë?” apo “Unë vendosa ketchup në __”. Nëse ju nuk jeni të impresionuar nga përgjigjja e partnerit, ju mund të vendosni të përputheni me dikë tjetër.
Tinder tregon se aplikacioni po reflekton “veset moderne të gjeneratës Z”. Gjatë fazës së testimeve, përdoruesit bënë 40% më shumë “match” në krahasim me shërbimet e tjera Fast Chat që përfshijnë shikimin e fotografisë që në fillim.
Për momentin ky shërbim është i pranishëm vetëm tek përdoruesit në SHBA, dhe do të jetë i aksesueshëm nga përdoruesit globalë në “javët në vijim”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
