TikTok është dënuar me 345 milionë euro nga Komisioni Irlandez i Mbrojtjes së të Dhënave (DPC) për shkelje të rënda të rregullave të privatësisë të Bashkimit Evropian, veçanërisht në trajtimin e të dhënave të fëmijëve.
Hetimi zbuloi se në vitin 2020, llogaritë e përdoruesve të moshës 13 deri në 17 vjeç ishin të vendosura si publike nga default, duke i ekspozuar ato ndaj çdo përdoruesi të internetit. Gjithashtu, funksioni “family pairing” nuk verifikonte nëse përdoruesi i lidhur ishte prind apo kujdestar, duke mundësuar aktivizimin e mesazheve direkte për të rinjtë mbi 16 vjeç pa pëlqimin e tyre.
Lexo edhe: WhatsApp kap 3 miliardë përdorues në muaj, një tjetër rekord për Meta-n
TikTok ka bërë disa ndryshime që nga periudha e hetimit, duke përfshirë vendosjen e llogarive private për përdoruesit nën 16 vjeç që nga janari i vitit 2021. Megjithatë, DPC e ka urdhëruar kompaninë të përmbushë plotësisht kërkesat e privatësisë brenda tre muajve.
Burimi:Reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
