Ti ke një superfuqi! Tregoje - Business Magazine Albania

Ti ke një superfuqi! Tregoje

Shkruar nga Ilir Copja

Me ty e kam! Po po me ty që rri ulur strukur në heshtje në dhomën tende të errët, po pse? Ta them unë, sepse arrite qëllimin që i kishe vënë vetes prej disa vitesh. Një qëllim për të cilin kishe dhuruar vite nga jeta jote, energji, dedikim dhe preokupim të përditshëm. Sot more shpërblimin, hakun që meritojë. Dil prej andej çfarë të mundon?

Unë e di, po dua ta dëgjoj nga ty. Thuaj me gojën tënde: kam frikë si do ia dal, u trembem shikimit të tyre si plumba tejshpues dhe gjuhës së tyre. Nuk të vë faj e kuptoj shqetësimin tënd. Këto dy organe, dhuratë e krijuesit për ne të krijuarit shpesh përdoren ndryshe nga qëllimi parësor, për të veçuar, për të treguar epërsi e për të shitur mend. Kjo për faktin e thjeshtë se ti ke një parametër fizik me të dobët se “normalja”. Po pastaj?

Sa njerëz mund të thonë me siguri të plotë se janë “normalë ” fizikisht dhe sa prej tyre mund ta faktojnë këtë “normalitet” edhe në spektrin psikologjik dhe social. Me siguri pakkush duke u kthyer këta “normalet” në pakicë dhe në rrezik zhdukje. Kështu që mendimi I tyre është i pabazuar në fakte dhe bëhet nul. Pavarësisht këtij “anormaliteti” ti arrite me meritë aty ku këta “normalet” nuk arritën apo as nuk u nisën. Këtu ka diçka të vërtetë. Ti nuk je si ne, je ndryshe.

Lexo: 12 libra për biznesin gjatë vitit 2021

Ti je parë gjithmonë ndryshe dhe e di pse? Ti ke superfuqitë e tua. Me kalimin e viteve mësove t’i përdorësh dhe të kalosh çdo vështirësi, çdo ngjitje të vështirë duke pasur pranë gjithmonë KRIJUESIN, njerëz që të duan, të mbështesin dhe mbi të gjitha kanë besim tek superfuqitë e tua. Rrugëtimi yt ka qenë gjatë gjithë kohës me të perpjeta plot ferra e kacube me pusi plot por ti ia ke dalë.

Sot nis një rrugëtim të ri në një terren të pashkelur, plot të panjohura dhe vështirësi. Mos u tut këmbët i ke të forta, zemrën luan, mendjen e mprehtë si tehu i shpatës së samurait dhe do ia dalësh me sukses. Këshilla që ndjej të të jap dhe që mua ma kanë dhënë është: “Jep më të mirën tende, shkëlqe me dritën tënde dhe do ta davaritësh errësirën”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0