Ministria e Zhvillimit Ekonomik, Turizmit, Tregtisë dhe Sipërmarrjes në kuadër të projektit “I4TOUR – Zhvillimi Territorial për Turizmin e Qëndrueshëm, Ndërmarrjet Krijuese, Zhvillimi Rural dhe Punësimi i të Rinjve” i financuar nga IADSA (Programi i Konvertimit të Borxhit për Zhvillim), çel thirrjen e dytë për dhënien e granteve mbështetëse për sipërmarrjet kreative të planifikuara për t’u ngritur bazuar në ide inovative.
Nëpërmjet kësaj nisme krijohet mundësia më e mirë për të transformuar një ide inovative në një sipërmarrje të mirëfilltë, duke ofruar një grant mbështetës, ambientet e punës, si dhe një asistencë të kualifikuar për zhvillimin e idesë, ku do të financohen 5 grante, prej 489.090 Lekë për startup biznesesh në sektorin e turizmit në qarkun e Vlorës.
Të gjithë të interesuarit mund të aplikojnë faqen e web-it të projektit I4TOUR www.i4tour.info duke shkarkuar formularin e aplikimit si dhe guidën shoqëruese të formularit të aplikimit. Aplikimet do të dërgohen në adresën e e-mailit të Projektit “I4TOUR” i4tourproject@gmail.com.
Afati kohor për pranimin e aplikimeve do të jetë 30 ditë nga data e publikimit.
Dokumentet i gjeni në linkun:
http://www.ekonomia.gov.al/al/projekte/thirrjet-calls
Burimi: facebook.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
