Tesla mund të humbasë avantazhin e saj të pikave të furnizimit për makinat elektrike “Supercharger” pasi më shumë rivalë të industrisë së automobilave fillojnë krijimin e rrjeteve të tyre.
Rrjeti Supercharger e ka veçuar prej kohësh Teslën nga konkurrenca, dhe në masë të madhe e bën akoma. Ndërsa drejtuesit e automjeteve të tjera elektrike kanë kohë që varen nga karikimi publik i kufizuar dhe shpesh me probleme, faqja e internetit e Tesla thotë se operon më shumë se 40,000 stacione në mbarë botën dhe deri vonë, karikuesit mund të përdoren vetëm me automjetet Tesla.
Kjo do të thotë se Tesla ka një avantazh të madh, ku blerësit e mundshëm dhe aktual të automjeteve të Elon Musk e dinë se ekziston një rrjet më i besueshëm në dispozicion vetëm për ta.
Tani, prodhuesit e tjerë të automjeteve po krijojnë strategjitë e tyre në hapësirën e karikimit, duke pasur parasysh se mungesa e aksesit në stacionet publike të karikimit është një pengesë për adoptimin e gjerë të makinave elektrike. Në një studim të fundit të Deloitte 2023 për konsumatorët global të automobilave, 46% e të anketuarve amerikanë përmendën mungesën e infrastrukturës publike të karikimit si një pengesë për lëvizjen e tyre elektrike.
Lexo edhe: Amazon do të investojë 1 mld euro në automjete elektrike për shpërndarjen në Europë
Këtë javë në CES në Las Vegas, Mercedes njoftoi se po lëshon versionin e vet të rrjetit Supercharger të Tesla-s.
Rrjeti i Mercedes, i cili do të përfshijë më shumë se 10,000 karikues në të gjithë Amerikën e Veriut, Evropë, Kinë dhe tregje të tjera kryesore, do të jetë i aksesueshëm për të gjitha markat e prodhuesve të automjeteve.
Ndërkohë, GM po krijon një rrjet karikimi “Ultium Charge 360” në Amerikën e Veriut. Prodhuesi i automjeteve në Detroit po garon për të instaluar 40,000 karikues të nivelit 2 nëpërmjet një partneriteti me tregtarët e tij, të cilët do të zgjedhin se ku në komunitetet e tyre lokale priza do të kishte më shumë kuptim./ BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
