Telefonat e Huawei fluturonin nga raftet në Europë. Por jo më.
Gjigandi kinez i teknologjisë është përballur me rënien e shitjeve në shumicën e tregjeve ndërkombëtare pasi u klasifikua në listën e zezë amerikane, që e bën të vështirë për Huawei të bëjë biznes me kompanitë amerikane.
Themeluesi dhe CEO i kompanisë, Ren Zhengfei tha se shitjet kanë rënë deri në 40% që nga mesi i muajit të kaluar.
Në listën e zezë ku ndodhet kompania, pengohet aksesi në aplikacionet e Google si Gmail dhe YouTube. Për europianët këto aplikacione janë thelbësore.
Lexoni: Beteja tregtare mes gjigantit Huawei dhe qeverisë së SHBA (historiku)
“Konsumatorët europianë kanë nevojë për shërbimet e Google,” tha Ben Stanton, analisti kryesor i kërkimeve në firmën Canalys. “Në Europë, ky ndalim është katastrofik”.
Biznesi i smartfonëve ka qenë një pikë shumë e fortë e kompanisë ndërkohë që përballej me presionin nga Shtetet e Bashkuara, e cila pretendon se këto produkte janë një rrezik ndërkombëtar.
Europa ka luajtur një rol të madh në suksesin e Huawei. Në vitin 2018, vetëm në Europën Perëndimore, ata shitën rreth 26.3 milionë smartfonë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
