Kur mbyllni një dokument të Office dhe nuk e keni ruajtur, mos e nisni nga e para.
Ka një formë të lehtë që ta ktheni dokumentin, duke përdorur një mjet rikuperimi, integruar në aplikacionin e Office që po përdorni.
Kur punoni në një dokument në Word, Excel ose aplikacion tjetër të Office, dokumenti nuk ruhet vetëm kur e klikoni butonin “Save”. Aplikacioni ka të dhënat e dokumentit që ruhen në dosjen AppData të llogarisë të përdoruesit. Kjo dosje, e cila zakonisht nuk shihet nga shumica e përdoruesve, i ruan të dhënat nga disa aplikacione të Windows për llogarinë tuaj të përdoruesit.
Shpesh, një dokument i Office i mbyllur së fundi mund të gjendet aty. Ka dy mënyra kryesore për ta gjetur. Mënyra e parë është më e lehta dhe më e drejtpërdrejta, pasi ju dërgon direkt tek dosja, e cila e përmban dokumentin e humbur.
Për ta gjetur atë, hapni aplikacionin që keni mbyllur, kliko “File”, pastaj zgjidh opsionin “Info”. Më tej, kliko tek “Manage Document” dhe me pas “Recover Unsaved Documents”. Këtu mund ta gjeni dokumentin që e keni mbyllur pa e ruajtur, zgjidheni atë dokument dhe klikoni “Save As”. Kështu siguroheni që nuk do ta humbisni atë.
Një mënyrë tjetër më e avancuar, ju jep po ashtu këtë rezultat. Prek Windows+R për të hapur dritaren “Run”. Shkruaj “%appdata%” dhe përdore atë për ta hapur dosjen. Nga këtu ndiqni “shtegun” drejt dosjes së aplikacionit tuaj. Kjo është dosja në të cilën metoda e parë iu dërgon në mënyrë të drejtpërdrejtë dhe aty mund ta shihni dokumentin tuaj të humbur. Përsëri, duhet ta hapni dhe ta ruani.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
