Të jetosh me fistikët e shijshëm - Business Magazine Albania

Të jetosh me fistikët e shijshëm

fistikë

Përveç rasteve kur jeni alergjik, vështirë të ketë ndonjë arsye që nuk do t’i zgjidhnit fistikët e shijshëm dhe të mrekullueshëm kur mendoni për frutat e thata. Padyshim kënaqin shijen tonë, janë argëtuese dhe kanë benefite të shkëlqyera për shëndetn në aspekte të ndryshme. Fistikët (ose ndryshe stikat) janë kurdoherë pjesë e tavolinave të punës, gëzimeve familjare dhe vakteve të shpejta.

E dini që fistikët janë një nga frutat më ushqyese që mund të konsumoni? Vetëm një racion i vogël prej tyre përmban mbi 30 vitamina, minerale dhe lëndë ushqyese të tjera të fuqishme për t’ju ndihmuar të digjni yndyrën, të përmirësoni kolesterolin dhe shëndetin e zemrës, të ekuilibroni sheqerin në gjak dhe madje të përmirësoni jetën tuaj seksuale! Kultivuar prej mijëra vitesh, fistikët kanë pafund për t’ju ofruar krahas shijes së mirë (keni provuar ndonjëherë të bëni pesto me to?). Nuk është për t’u habitur, por janë të shtrenjta për t’u blerë.

Këto kokrra të gjelbra të vogla janë të brishta, të kripura, të shijshme, kanë sasi të ulëta karbohidratesh dhe janë të mira për shëndetin tuaj! Përpos faktit se kanë shumë yndyrë (të shëndetshme) në përbërje, ato janë një nga ushqimet më të mira të djegies së yndyrës që mund të konsumoni. Më poshtë do të listoj disa benefite që mbështesin shëndetin tuaj të përgjithshëm.

Lexo: Një pushim i mirë nuk është luks

1-Janë të pasura me vlera ushqyese: rreth 50 fistikë të cilët konsumohen së bashku përmbajnë: 159 kalori, 8 gram karbohidrate, 3 gram fibra, 6 gram proteina, 13 gram yndyra. Fistikët, janë veçanërisht një nga ushqimet më të pasura me vitaminë B6 – e rëndësishme për disa funksione trupore, përfshirë rregullimin e sheqerit në gjak dhe formimin e hemoglobinës. Fistikët janë gjithashtu të pasura me kalium, sasia prej 50 kokrrash që përmendëm përmban më shumë kalium se një banane.


2-Zotërojnë shumë antioksidantë: Mos harroni se antioksidantët janë jetikë për shëndetin tuaj. Ata parandalojnë dëmtimin e qelizave të shëndetshme dhe luajnë një rol kryesor në zvogëlimin e rrezikut të sëmundjeve të rënda, siç është kanceri. Fistikët përmbajnë më shumë antioksidantë sesa shumica e arrave, farave dhe frutave të tjera të thata. Në fakt, vetëm arrat përmbajnë më shumë antioksidantë. Fistikët kanë sasinë më të lartë të lutenit dhe zeaxanthit, dy antioksidantë shumë të rëndësishëm për shëndetin e syve. Ata mbrojnë sytë tuaj nga dëmtimet e shkaktuara nga drita blu dhe degjenerimi molekular i lidhur me moshën, gjendje në të cilën vizioni juaj qendror është i dëmtuar ose i humbur. Për më tepër, dy nga grupet më të bollshme të antioksidantëve në fistikë, si polifenolet dhe tokoferoli, mund të ndihmojnë në mbrojtjen nga kanceri dhe sëmundjet e zemrës. Është interesante që antioksidantët në fistikë janë shumë të pranueshëm për stomakun. Prandaj, kanë probabilitet më të lartë të përvetësohen gjatë tretjes.

3-Kalori të ulëta, por sasi të lartë proteinash: Konsumimi i frutave të thata ka shumë përfitime shëndetësore, por janë të larta në kalori. Për fat të mirë, fistikët janë ndër të paktat e kësaj familjeje me kalori më të ulëta. Me proteina që përfshijnë rreth 20% të peshës së tyre, fistikët janë të dytat pas bajameve kur bëhet fjalë për përmbajtjen e proteinave. Ato gjithashtu kanë një raport më të lartë të aminoacideve thelbësore se çdo frut tjetër i thatë. Këto aminoacide konsiderohen të tilla, sepse trupi juaj nuk mund t’i prodhojë vetë ato, kështu që ju duhet t’i merrni nga dieta juaj ushqimore.

4- Ndihmon në humbjen e peshës: Pavarësisht se janë një ushqim i dendur me energji, fistikët janë një nga ushqimet më miqësore për humbjen e peshës. Ndërsa pak studime kanë parë efektet e tyre në peshë, ato që ekzistojnë janë premtuese. Fistikët janë të pasur me fibra dhe proteina, të dyja rrisin ndjesinë e të qenit të ngopur dhe ju ndihmojnë të hani më pak duke mbështetur ushqyerjen e zgjuar.

5- Promovojnë bakteret e shëndetshme të zorrëve: Fistikët janë të pasur me fibra, të cilat lëvizin përmes sistemit tuaj të tretjes kryesisht të padenjuar dhe disa lloje fibrash treten nga bakteret e mira në zorrën tuaj, duke vepruar si prebiotikë. Bakteret e zorrëve më pas fermentojnë fibrën dhe e shndërrojnë atë në acide yndyrore me zinxhirë të shkurtër, të cilat mund të kenë disa përfitime shëndetësore, duke përfshirë një rrezik të zvogëluar të zhvillimit të çrregullimeve të tretjes, kancerit dhe sëmundjeve të zemrës. Konsumimi i fistikëve është treguar se rrit numrin e baktereve që prodhojnë butirate në zorrë në një masë më të madhe sesa bajamet.

6- Janë pozitive për ekuilibrin e sheqerit në gjak: Fistikët kanë një indeks të ulët glicemik, kështu që ato nuk shkaktojnë rritje të sheqerit në gjak gjatë një vakti të pasur me karbohidrate, siç është buka e bardhë. Studiuesit sugjerojnë fistikët si një nga mënyrat për të ulur rrezikun e diabetit.

anilabashllari.com

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0