Metali i çmuar u rrit me 6% javën e kaluar dhe më shumë se 16% nga fillimi i vitit. Për shkak të një tregu global të trazuar investitorët po e shikojnë arin si një investim të sigurtë. Vetëm javën e kaluar, u investuan $1.6 miliard në metale të çmuara,(që përfshinë arin, argjendin, platinin etj.) sipas Bankës së Amerikës.
“Investitorët po rikthehen tek ari për të shpërndarë riskun e portofolit dhe për shkak të sigurisë që ofron ky metal,” tha James Butterfill, kreu i kërkimeve të ETF Securities.
Tregjet kanë qenë të trazuara këtë vit, për shkak të çmimit të naftës, ekonomisë në rënie të Kinës, dollarit të fortë dhe pasigurive të normave të interesit. Banka Qendrore Amerikane nuk është e vendosur për të ardhmen e normave të interesit.
Kjo gjë nuk i pëlqen investitorëve. “Investitorët janë të shqetësuar për politikat e Bankës Qendrore, për të ulur më tej normën e interesit ose për të mos e ndryshuar atë. Kjo do të thotë më shumë investim në ar.
Sipas analistit Jeff Gundlach, investitorët po e humbin besimin tek Banka Qendrore dhe kjo mund ta çojë çmimin e arit në $1400 për onz. Sot ari vlerësohet $1208.5 për onz.
Tradicionalisht ari ka qenë një investim i preferuar kur gjërat në tregjet globale nuk shkojnë mirë. Në janar janë blerë 55 ton ar dhe vetëm në 10 ditët e para të shkurtit 59 ton.
Pyetja qendron sa do të vazhdojë kjo rritje. A do të jetë ky ” Viti i Arit “?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
