Gazsjellësi Tarans Adriatic Pipeline ka arritur të sigurojë lejen e instalimit. Lajmi konfirmohet nga Ministria greke e Energjisë dhe Mjedisit. Së bashku me Aktin e Instalimit ( të siguruar në janar të këtij viti), leja bën të mundur që që të nisë aktiviteti i ndërtimit në bazë të parashikimeve.
“Bashkëpunimi më i suksesshëm i deritanishëm me autoritetet greke ka siguruar mbarëvajtjen e projektit sipas të gjitha parashikimeve tona. Konfirmoj se transporti i tubave vazhdon të realizohet drejt destinacioneve Kavala dhe Selanik”, tha Ian Bradshaw, drejtori menaxhues i TAP.
Ndërsa procesi i transportit të tubave në Shqipëri nisi në tremujorin e dytë të vitit. Në total do të realizohen rreth 5,300 udhëtime, që do të ndjekin standardet e larta të sigurisë për të transportuar 13,000 copë tuba.
Parashikohet që kompania do të punësojë rreth 2,000 persona për procesin e ndërtimit të tubacionit dhë të kompresorëve.
Sasia e parë e gazit do të mbërrijë në vitin 2020.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
