Tamponë falas për shqiptarët që udhëtojnë drejt Italisë

Tamponë falas

Të gjithë qytetarëve që udhëtojnë nga Shqipëria drejt Italisë, në aeroport do t’u kryhet tamponi falas për COVID-19 nga autoritetet italiane.

Në pritje të përgjigjes së testit, ata do të jenë të detyruar të karantinohen për 48 orë në banesën e tyre, pasi të kenë deklaruar të dhënat personale në një formular të posaçëm. Më pas, nëse personi rezulton i infektuar, ai duhet të karantinohet për 14 ditë; nëse rezulton i painfektuar lejohet të dalë nga karantina.

Lexoni: Rregullat e reja për udhëtimet drejt Greqisë

Ky rregull i ri parashikohet në dekretin e fundit të qeverisë italiane, publikuar nga ministria për Evropën dhe Punët e Jashtme të Shqipërisë. Gjithashtu, kjo masë nënkupton një ndryshim nga rregulli i mëparshëm, ku shtetasit shqiptarë ishin të detyruar të karantinoheshin për dy javë pasi kalonin kufirin italian.

Sipas dekretit, nevojitet paraqitja e testit negativ ndaj COVID-19 vetëm për qytetarët e Maltës, Spanjës, Greqisë, Kroacisë.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale