Nga stabiliteti i llogarive publike, tek modernizimi i paketave ekonomike, deri tek taksa e sheshtë.
Ndërsa vazhdonte fushata elektorale dhe sondazhet e paraqisnin në rritje, Giorgia Meloni vazhdonte me ndryshimin e marshit: linja politike e saj bëhej gjithnjë e më e moderuar.
Tashmë që rezultatet elektorale në shtetin fqinj konfirmojnë lidershipin e saj le të shohim cilat janë pikat kyçe të programit të saj ekonomik.
Stabiliteti i llogarive publike
Stop premtimeve të tepruara. Meloni rri larg premtimit të rritjes së pensionit minimal në 1000 euro në muaj. Lidhur me aplikimin e taksës së sheshtë, sipas saj, duhet të bazohet tek të ardhurat në rritje, pra krahasuar me një vit më parë.
Përditësim i Planit Kombëtar të Rimëkëmbjes dhe Reziliencës, Pnrr
Pnrr paraqet një mundësi të madhe për modernizimin e Italisë dhe për rindezjen e motorëve të ekonomisë. Por, flitet për një një përditësim të përqëndruar, duke pasur parasysh krizën e shkaktuar nga konflikti i Ukrainës dhe rritja e çmimeve të lëndëve të para. Objektivi është të destinohen burime më të mëdha për sigurinë energjitike, të lirohet Italia dhe Europa nga varësia e gazit rus.
Koalicioni propozon të ulë presionin fiskal tek familjet dhe ndërmarrjet përmes një reforme me bazë barazinë. Reforma e taksës Irpef, me një vlerësim progresiv për paketat financiare. Shtrirja e taksës së sheshtë për të ardhura vjetore deri në 100 mijë euro; futja e taksës së sheshtë tek rritja e të ardhurave krahasuar me një vit më parë; fshirje progresive të Irap dhe ndarje të micro-kontributeve.
Kupon fiks në masën 21% për dhënien me qira të pronave tregtare në zona të degraduara. Rritja e kufirit në përdorimin e parave të gatshme. Mjaft me politikën dritëshkurtër të shpërblimeve, për t’u zëvendësuar me masa të qëndrueshme. Për faturat ekzistuese: “bilanci dhe ekstrakt” deri në 3 mijë euro për personat në vështirësi
Mbështje për kë zhvillon biznes dhe hap vende pune.
Fokusi është të lehtësohen aktiviteti prodhues në Itali dhe të mos nxitet delokalizimi.
Luftë e hapur konkurencës së pandershme dhe praktikave të shngangies përmes transferimit të zyrave qëndrore të ndërmarrjeve në parajsat fiskale europiane. Fuqizimi i instrumentave për të nxitur kursimin privat dhe nxitjes së financimit të ekonomisë reale.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
