Siç kishin paralajmëruar, banorët e qytetit të Kukësit protestuan të shtunën kundër taksës në rrugën e kombit. Duke e cilësuar atë të papërballueshme për xhepin e tyre, ata kanë protestuar pa prani të përfaqësuesve politikë.
Për shkak të përplasjeve me policinë, protesta paqësore ka përshkallëzuar në përleshje. Protestuesit i kanë vënë flakën pikëkalimit ku kryhen pagesat. Përshkallëzimi i tensionit çoi në dhjetëra të plagosur mes protestuesve dhe forcave të rendit.
Lexoni: https://businessmag.al/kundeshtohet-ne-mase-tarifa-e-rruges-durres-morine-2/
Lidhur me ngjarjen nuk ka pasur një reagim zyrtar nga qeveria, ndërsa kryeministri Edi Rama shkroi në
Twitter se: “Dhuna barbare mbi pronën e përbashkët dhe reagimi i dhunshëm ndaj forcave të rendit në Kukës, do të marrin përgjigjen e merituar me të gjithë fuqinë e ligjit ndaj kujtdo që ka ngritur dorën e paligjshmërisë! Ta harrojnë dhunuesit e frymëzuesit e tyre se i’a dalin dot mbi ligjin!”.
Kjo është ndër taksat që po has kundërshtinë më të mëdhe. Tarifat e parashikuara në kontratën konçesionare janë disa herë më të larta së ato të sugjerua nga ekspertët ndërkombëtarë (të cilët këshilluan një tarifë mesatarisht 1. 4 euro), ndërsa vlera mesatare sot për një kalim është 5 euro. Nga motoçikletat tek kamionët e rëndë, vlera për kalimin luhatet në 2.5 euro -22 euro.
Krahas nivelit të larta, taksa e kësaj rruge kundërshtohet edhe për faktin se nuk plotësohen disa kushte ligjore, si një rrugë dytësore funksionale, alternativë e domosdoshme, dhe faktin se rruga ka ende shumë mangësi në investime për ta cilësuar atë një autostradë të mirëfilltë.
Krahas banorëve të Kukësit, kjo taksë po kundërshtohet fort nga kosovarët, të cilët thonë se do të ulin tregtinë me Shqipërinë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
