Takimi final i jurisë së Albanian ICT Awards, më 29 Prill shpallja e projekteve fituese - Business Magazine Albania

Takimi final i jurisë së Albanian ICT Awards, më 29 Prill shpallja e projekteve fituese


Pas një maratone afro tre mujore, rrugëtimit të Albanian ICT Awards për këtë vit po i vjen fundi ku na ndajnë vetëm 12 ditë nga mbrëmja Gala e datës 29 Prill të shpalljes së fituesve të edicionit të katërt.

Tiranë, 17 Prill 2016 – Kjo e shtunë shënoi takimin final të Jurisë së Albanian ICT Awards, i cili u mbajt pranë ambjenteve të Hotel Sheraton në Tiranë. Rreth 30 kandidatë përjetuan sfidën e vërtetë, atë të prezantimit të aplikimeve të tyre.

Kjo sfidë nuk i përket e gjitha vetëm aplikantëve por edhe vetë Jurisë, të cilët duhej të ishin shumë të vëmendshëm ndaj detajeve dhe adresimit të pyetjeve të duhura ndaj pretendentëve për të rrëmbyer një nga çmimet e konkursit më të spikatur në fushën e teknologjisë së informacionit dhe komunikimit nga mbarë trevat shqipfolëse.

Në datën 2 Prill, Juria u mblodh për herë të parë në një diskutim kokë më kokë i cili përcaktoi jo vetëm kriteret e aplikimeve, por edhe drejtimin e saj. Numri i lartë prej 100 aplikimesh të mbërritura pranë Albanian ICT Awards edhe njëherë provoi vlerat në rritje të komunitetit të teknologjisë së informacionit në Shqipëri, Kosovë dhe mbarë trevat shqiptare.

Edicioni i katërt jo vetëm që solli një pjesëmarrje të lartë, por edhe një nivel të ri përgatitor të pjesëmarrësve. Të paktën dy vitet e fundit një ndër sfidat kryesore të garës mbarëkombëtare ka qenë kategoria “Femra në ICT” e cila është bërë pjesë e ICT Awards me synimin e ngushtimit të hendekut gjinor në këtë sektor. Çdo vit bëhet më e vështirë përzgjedhja e fituesve të Albanian ICT Awards një tregues i rritjes së numrit dhe cilësisë së projekteve pjesëmarrëse.

Me një rend të përcaktuar të ditës, mbledhja zgjati nga ora 10:00 gjer në orën 19:00 pa ndërprerje në kërkim të maratonomakëve të sektorit ICT. Do të jetë rezultati i këtij takimi ai i cili do të hapë rrugën për një listë të ngushtë kandidatësh njëkohësisht edhe finalistët e edicionit të katërt të ICT Awards, të cilët do të zbulohen në mbrëmjen Gala të datës 29 Prill.

Këtë vit, shtëpia botuese ICTSmedia në cilësinë e organizatorit të Albanian ICT Awards me partneritetin e zgjeruar premton më shumë supriza për fituesit dhe kandidatët, si mbështetje për realizimin e projekteve apo aplikacioneve të cilat do të shpallen fituese.

ICTSmedia falenderon të gjithë partnerët mediatikë, sponsorët, jurinë dhe të gjithë kontributorët e në veçanti kandidatët që shpresa, frika, emocioni dhe guximi i tyre e kanë bërë Albanian ICT Awards kjo që është sot.

 

/ICTSmedia

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0