Financimi i Integrimit Evropian është çështja kyçe për të ardhmen e Ballkanit Perëndimor. Vendet që aspirojnë anëtarësimin në BE hasen me sfida gjatë këtij procesi.
Kompania Impact Assessment Institute ka llogaritur ndikimin që ka zbatimi i objektivave të politikës së BE-së për Marrëveshjen e Gjelbër të BE-së dhe Planin e BE-së për të mposhtur kancerin, me fokus në 2 shtete të Ballkanit Perëndimor, si Kosova dhe Shqipëria. Analiza tregon se Kosova do të humbasë 20% të të ardhurave të të ardhurave të qeverisë, dhe Shqipëria do të humbasë përafërsisht 10 % të të ardhurave të qeverisë.
Rasti i studimit “Ndikimet buxhetore të procesit të integrimit në BE në Ballkanin Perëndimor” vlerëson ndikimet buxhetore afatmesme dhe afatgjata që ka procesi i integrimit në Bashkimin Evropian për vendet e Ballkanit Perëndimor. Studimi fokusohet në objektivat e politikës së BE-së për produktet që importohen dhe që sigurojnë pjesën më të madhe të të ardhurave nga doganat dhe akcizat: lëndët djegëse fosile, makinat dhe cigaret.
Lexo edhe:Çfarë rezervoi “Forumi Vjetor i Profesionistëve të Rinj”?
Bashkimi Evropian ka vendosur objektiva politike specifike në Marrëveshjen e Gjelbër të BE-së dhe në Planin e BE-së për të mposhtur kancerin për vitin 2040: lëndët djegëse fosile duhet të shmangen gradualisht; duhet të kalohet te makinat me emetim zero; dhe njerëzit duhet të lënë duhanin. Përfundimi me sukses i procesit të Integrimit Evropian do të thotë që këto objektiva duhet të përfshihen plotësisht në politikat kombëtare të vendeve që synojnë të anëtarësohen në BE.
Gjetjet e këtij studimi tregojnë implikimet e jashtëzakonshme buxhetore që mund të kenë synimet e politikave të BE-së në të ardhurat e qeverisë. Humbjet në total të parashikuara të të ardhurave për Kosovën janë 20%, dhe për Shqipërinë 10 %. Nëse nuk ndërmerren veprime konkrete, këto humbje të të ardhurave mund të ndikojnë në stabilitetin financiar dhe makroekonomik.
Përveç kësaj, procesi i Integrimit Evropian kërkon investime të konsiderueshme shtesë nga qeveritë, të cilat janë të nevojshme për të zbatuar standardet e BE-së në të gjitha aspektet e shoqërisë dhe ekonomisë. Marrëveshja e Gjelbër e BE-së, digjitalizimi, reforma e sektorit bujqësor, Reforma e Administratës Publike dhe zhvillimi i politikave gjithëpërfshirëse që mbrojnë grupet vulnerabël janë vetëm disa shembuj të politikave që do të kërkonin angazhim dhe investim të konsiderueshëm.
Impact Assessment Institute shprehet qartë se kërkohet veprim i menjëhershëm për të siguruar që humbja e parashikuar e të ardhurave të kompensohet.
Së pari, dhe më e rëndësishme, Kosova dhe Shqipëria duhet të zhvillojnë strategji për të ardhurat afatmesme dhe afatgjata që parashikojnë implikimet buxhetore të procesit të Integrimit Evropian: humbje të të ardhurave, fitime të të ardhurave dhe nevoja për investime.
Të dyja shtetet, Kosova dhe Shqipëria duhet të përfshihen thellësisht në debatet e politikave të Bashkimit Evropian pasi që objektivat e politikave të BE-së janë të detyrueshme për vendet që duan të anëtarësohen në Bashkimin Evropian.
E fundit, dhe sigurisht jo më pak e rëndësishme, rritja ekonomike duhet të jetë në qendër të politikave të qeverisë për të dyja vendet. Kjo rritje është kyçi për financimin e Integrimit Evropian.
Rasti studimor për Kosovën
Rasti studimor për Shqipërinë
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
