‘Super Mario 64’ e vitit 1996 shitet për 1.56 milionë dollarë

Një kopje e pahapur e lojës “Super Mario 64” të Nintendo-s është shitur në ankand për 1.56 milionë dollarë. Agjencia e lajmeve, Associated Press, tregon se shtëpia e ankandit Heritage në Dallas kanë thënë se loja e vitit 1996 u shit të dielën e 11 korrikut, duke thyer çmimin e saj të mëparshëm rekord për shitjen e një loje të vetme video.

Ndërkohë, një zëdhënës nuk i është përgjigjur menjëherë pyetjes se kush ishte blerësi i lojës. Shtëpia e ankandit ka zbuluar në një deklaratë se “Super Mario 64” ishte loja më e shitur në Nintendo 64 dhe gjithashtu e para që paraqiti karakterin Mario në 3D.

Kjo shitje ndjek një tjetër të një kopjeje të pahapur të “The Legend of Zelda” të Nintendo-s që u shit të premten nëntë korrikut në ankand për 870 mijë dollarë. Valarie McLeckie, specialiste e video lojërave të Heritage, ka thënë se shtëpia e ankandit u trondit kur pa një lojë të shitur për më shumë se një milion dollarë dy ditë pasi loja Zelda theu rekordin e saj të kaluar.

Shtëpia e ankandit tha se kishte më pak se 5 kopje në gjendje kaq të mirë. Kaseta ishte pothuajse po aq e re sa ka qenë para disa vitesh. Kurse në muajin prill, shtëpia e ankandit shiti një kopje të pahapur të “Super Mario Bros” të Nintendo-s që u ble në vitin 1986 dhe që u dha për 660 mijë dollarë.

Well, I figured the first million dollar game was imminent, but I didn't think it was gonna be today… or this. pic.twitter.com/jKWRY8sNSq

— Chris Kohler says PLAY LLAMASOFT! (@kobunheat) July 11, 2021

Kopjet më të rralla të lojërave të famshme zakonisht shiten shumë shtrenjtë. Super Mario njihet gjerësisht si një lojë e rëndësishme në historinë e video-lojërave. Ende konsiderohet një nga lojërat më të mira të bëra ndonjëherë. Përfaqësuesit e shtëpisë së ankandit Heritage u befasuan nga çmimi i madh i ofruar për të.

“Shumë njerëz u befasuan që loja Super Mario, e cila shiti miliona dhe miliona kopje në të gjithë botën, u shit për kaq shumë dollarë, pas kaq shumë vitesh”.

BBC