Një studim australian i publikuar nga Harry Perkins Institute of Medical Research në revistën Nature Precision Oncology tregon se helmi i bletës, në veçanti përbërësi i tij kryesor melitina, është në gjendje të vrasë 100% të qelizave agresive të kancerit të gjirit përfshirë ato më rezistente si triple negative dhe HER2+ brenda 60 minutash.
Ky eksperiment, i udhëhequr nga Dr. Ciara Duffy, përfshiu helm nga 312 bletë të mjaltit dhe bletë të egra nga Australia, Irlanda dhe Anglia. Melitina doli jashtëzakonisht efektive duke krijuar vrima në membranat e qelizave kancerogjene dhe duke ndërprerë sinjalizimet për rritje brenda vetëm 20 minutash me dëme minimale në qelizat e shëndetshme.
Lexo edhe:Alice Walton, gruaja më e pasur në botë sipas Forbes!
Kur u kombinua me ilaçe kimioterapie si docetaxel, efekti shkatërrues i tumoreve te minjtë u përforcua ndjeshëm. Bletët nga qyteti australian Perth treguan rezultate më të qëndrueshme, ndërsa helmimi nga bletët e egra nuk pati ndikim.Megjithatë, studiuesit theksojnë se kërkimi është ende në faza të hershme, i testuar vetëm në laborator dhe te minjtë. Nevojiten më shumë studime për të kuptuar dozimin, mënyrën e administrimit dhe sigurinë te njerëzit para se të konsiderohet trajtim i mundshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
