Na vjen keq, teknofilë! Ndërsa bota po bëhet gjithnjë e më dixhitale, kur është fjala për leximin, librat e rregullt po i qëndrojnë kohës. Në një studim të ri të kryer nga profesori i gjuhësisë në Universitetin Amerikan Naomi Baron, hulumtuesit kanë gjetur se një shumicë e madhe e studentëve preferojnë libra fizikë – me kapak dhe letër – më shumë se e-books për të lexuar me orë të tëra.
TechSot.Al raporton se për studimin, Baron anketoi mbi 300 studentë universitarë nga SH.B.A, Japonia, Gjermania dhe Sllovakia rreth preferencave të tyre të leximit. Mes opsioneve për libra fizikë dhe pajisje elektronike të leximit, 92% e studentëve kanë thënë se mund të përqendrohen më mirë me libra fizikë.
“Ka dy çështje të rëndësishme. E para ishte se ata thonë se hutoheshin me gjëra të tjera nëse lexonin e-libra”, ka thënë Baron për The New Republic. “E dyta kishte të bënte me lodhjen e syve dhe dhimbjen e kokës dhe parehatinë fizike.”
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve./
