Statistika të reja, ja sa kohë harxhojnë shqiptarët në telefon


Përdorimi mesatar i telefonit nga shqiptarët ka arritur nivel rekord prej 197 minutash në muaj gjatë tremujorit të dytë të këtij viti.

Sipas statistikave nga Autoriteti i Komunikimeve Elektronike dhe Postare, përdorimi mesatar i telefonit celular për thirrje u rrit me 17% krahasuar me të njëjtën periudhë të një viti më parë.

Në fakt, rritja e përdorimit mesatar nuk ka ardhur nga zgjerimi i trafikut, por kryesisht nga pakësimi i numrave celularë aktivë.

Në fund të muajit qershor, numri i kartave SIM aktive ka rënë me 22% krahasuar me një vit më parë.

Kjo është një tendencë që ka nisur prej disa vitesh, pasi AKEP ndaloi diferencimin e tarifave për thirrjet brenda dhe jashtë rrjetit. Gradualisht, përdoruesit po heqin dorë nga mbajtja e disa numrave celularë dhe në tremujorin e dytë të këtij viti numri i kartave SIM aktive ishte më i vogël se numri i përgjithshëm i popullsisë, për herë të parë pas shumë vitesh.

Nga pikëpamja statistikore, kjo po rezulton në rritje të përdorimit mesatar për çdo numër celular aktiv. Përdorimi është rritur jo vetëm për thirrjet, por edhe për shërbimet e tjera. Numri i mesazheve të shkruara për çdo përdorues aktiv arriti në 40 në muaj, në rritje me 9% me bazë vjetore. Ndërsa përdorimi i internetit arriti në 2.85 Gb në muaj, pothuajse dy herë më shumë krahasuar me tremujorin e dytë 2017. Teknologjia 4G dhe rritja e përdorimit të telefonave inteligjentë po e rrit me ritme të shpejta përdorimin e internetit me brez të gjerë nga telefonat celularë.

/AKEP

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale