Kur mashtruesit përdorin AI për të krijuar profile false, reklama të rreme dhe sulme që duken gjithnjë e më reale, zgjidhja më efektive është e qartë, përdor AI për t’i luftuar.
Këtë filozofi ndjek Doppel, startup-i i krijuar në 2022 nga Kevin Tian dhe Rahul Madduluri, që sapo ka siguruar 35 milionë dollarë investim të ri, duke e çuar vlerësimin e tij në 205 milionë dollarë.
AI kundër AI, si funksionon Doppel?
Doppel ka ndërtuar agjentë të inteligjencës artificiale që skanojnë internetin, rrjetet sociale dhe madje edhe dark web-in për:
-Website që imitojnë kompani të njohura
-Profile false në LinkedIn, WhatsApp, Instagram etj.
-Reklama mashtruese që përdorin zëra dhe imazhe të krijuara me AI
-Kërcënime phishing dhe sulme social engineering
Agjentët e Doppel trajtojnë 100 milionë sinjalizime në ditë, me një saktësi afër 90%, duke raportuar sulmet reale për t’u hequr nga platformat përkatëse.
Lexo gjithashtu: Opinion/Si do të jetë jeta kur AI të jetë më i mirë se ne në çdo gjë
Nga verifikimi manual te automatizimi inteligjent
Fillimisht, kompania përdorte ekipe njerëzish në Filipine dhe Indi për të verifikuar këto rreziqe. Por në shtator 2024, Doppel zbuloi se modelet e reja të OpenAI mund të kryenin këto detyra më mirë dhe automatizoi 30% të operacioneve të saj të sigurisë me agjentë të rinj AI.
Rezultati? Më shumë rreziqe të zbuluara, me më pak burime njerëzore.
Kur Notion u përball me një valë sulmesh, nga reklama mashtruese deri tek klonime të faqeve zyrtare, iu drejtua Doppel për ndihmë. AI-ja e Doppel eliminoi mijëra sulme brenda ditësh.
“Bëmë një transformim,u bëmë një objektiv shumë i shtrenjtë për t’u sulmuar,” tha Daniel Pyykonen, drejtues i sigurisë në Notion.
Klientë të mëdhenj dhe ndikim të gjerë
Me mbi 180 klientë enterprise, përfshirë United Airlines, OpenAI dhe Coinbase, dhe me rritje të trefishtë të të ardhurave vjetore, Doppel po zgjerohet në sektorët e naftës, financës, sigurimeve dhe më gjerë.
Sekreti? Një sistem që quhet “threat graph”, një hartë inteligjente që ndjek lidhjet mes numrave telefoni, adresave IP dhe profileve mashtruese, për të identifikuar infrastrukturën e sulmuesve, jo vetëm simptomat.
Lexo gjithashtu: Jo më vetëm ëndrra – 10 shpikje që po e bëjnë realitet të ardhmen!
“AI është arma e tyre, por tani është edhe e jona”
Në një botë ku mashtrimet duken reale dhe teknologjia përdoret për të krijuar konfuzion, Doppel po ndërton zgjidhje që mund të çmontojnë kërcënimet në rrënjë.
“Ne nuk po luajmë më me arna. Po i japim ‘të mirëve’ mjetet për të shkatërruar të gjithë rrjetin e sulmuesve,” thotë Kevin Tian.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English