Startup-i nga Shqipëria që ‘luan’ ndërkombëtarisht! (VIDEO)


Gerti Boshnjaku

Një lëvizje Crowdfunding nga një Startup shqiptar më tërhoqi vëmendjen teksa po flitej shumë online dhe rrjete sociale nga miq dhe kolegë të apasionuar pas teknologjisë të cilët po e sugjeronin. Crowdfunding si term e kisha lexuar nisur nga kureshtja në portale ndërkombetare të biznesit dhe teknologjisë, por rrallë herë kisha hasur një rast konkret. Për më tepër shqiptar…!

Dentem – Dental Care Revolution 

“Emri Dentem më solli në mendje djemtë që kisha takuar  para rreth 2 muajve në ambientet e Yunus Albania dhe diskutimin me ta për platformën që do të ndihmonte Dentistët dhe Pacientët të kishin kartela të ruajtura në formë elektronike, ku mund të shikonin historikun e vizitave, të caktonin takim me dentistin apo dhe të zgjidhnin nga baza e të dhënave se tek cili dentist dëshironin të shkonin. Interesante!

Ideja ishte brilante, por platforma e tyre nuk ishte veç një ide. Me entuziazmin e tyre, ata kishin ndjekur me përpikmëri planin e tyre të biznesit dhe kishin asokohe aktive platformën në web dhe flisnin se po punonin për lançimin e Aplikacionit në Apple Store dhe në Playstore”.

Dhe ja ku jemi sot!

Dentem po vepron shpejt dhe me një ritëm të jashtëzakonshëm. Gjatë takimit të djeshëm me Alen Saqe, (Team Leader i projektit) mu duk sikur po flisja me një sipërmarrës nga Silicon Valley. Ai fliste rrjedhshëm, qartë edhe i sigurtë, duke përshkruar pjesëza të projektit për të cilat e pyesja dhe hapat e ndërmarra të biznesit të ri. Ishte pikërisht ai ritëm i bisedës i cili dukej sikur pasqyronte ritmin e punës me të cilin ekipi kishte avancuar për të ofertuar në një treg ndërkombetar një platformë inovative në një kohë kaq të shkurtër.

Më poshtë është shprehur grafikisht rrjedha kohore e veprimeve (Timeline) ku mund të shihet se ky ekip ecën me ritëm fantastik.

Mënyra e tyre e të vepruarit nuk është aspak në kornizat e një biznesi shqiptar, ku shikohen më shumë pengesat dhe jo mundësitë. Ata po përpiqen të luajnë ndërkombëtarisht, dhe kjo reflektohet edhe në përqasjen e tyre drejt të qënit sipërmarrës.  Pa u zgjatur shumë me fjalë, ata kanë ecur duke vepruar në mënyrë mbresëlënëse për ta testuar prototipin, për të ndërtuar produktin, për ta bërë të disponueshëm në formatet e përshtatshme, për ta hedhur në treg, për të gjeneruar kërkesë për të dhe për ta promovuar atë në nivel ndërkombëtar duke fituar përkrahjen dhe partneritete të rëndësishme me aktorë influences, mbështetës dhe me personalitet në këtë fushë.

2015

Duke i hedhur një sy linkut https://www.indiegogo.com/projects/dentem-dental-care-revolution#/story ku është e mundur dhënia e kontributeve nga individë nga gjithë bota, deri më sot (dt. 14 Gusht 2015, ora 13:00), shuma e gjeneruar nga zgjedhja e tyre për CrowdFunding është 3400 dollare. Kjo shumë përbën rreth 14% të objektivit final prej 25 000 dollarë dhe është realizuar në vetëm 3 ditë nga 40 ditë që është koha që i jepet në dispozicion projektit nga Indiegogo.

2015 - 2016

Ftoj gjithkënd të japë mbështetjen e tij në çdo lloj vlere apo mënyre për Dentem dhe ekipin realizes të të rinjve të talentuar.

Përse ti mbështesim?

  1. Bëjmë të mundur suksesin e një startup-i shqiptar në një treg ndërkombëtar
  2. Mbështesim një model biznesi të ri për vendin tonë dhe të “papërlyer”
  3. Është një shembull për shumë inovacione të tjera, të cilat të mos mbeten në sirtar në nivel ideje
  4. Promovohet edhe Shqipëria si një vend ku nuk mungojnë talentet në fushën e teknologjisë së Informacionit dhe Komunikimit.

Dhe mund të rradhis dhe shumë të tjera…por mjaft me fjalët!

Kontribuo dhe ti.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale