“Albanian Socio-Economic Think Tank”, në kuadër të javës globale të sipërmarrjes, 16-18 Nëntor 2018, vijon edicionin e tretë të “The steps for creating a successful business” pranë ambienteve të Tirana Business University College, ku të ftuar do të jenë personalitete nga bota akademike dhe e Sipërmarrjes!
Pjesë e ketij formati, mund të jenë të rinj të ndryshëm (18-40 vjeç), të cilët nëpërmjet ideve inovative aspirojnë të jenë sipërmarrës të bizneseve të suksesshme.
Ky aktivitet ka si qëllim të vetin, përfshirjen e të rinjve, nëpërmjet prezantimit të ideve inovative të biznesit, në një event tre ditor trajnimi dhe konkurrimi. Programi do të përbëhet nga prezantime dinamike, ritëm i shpejtë, larmi tematikash dhe panel jurie vlerësimi nga fusha akademike dhe e sipërmarrjes.
Një event ku pjesëmarrësit, të ndarë në grupe, do të prezantojnë një ide biznesi dhe do ta zhvillojnë atë në 3 ditë duke kaluar limitet e tyre falë disa profesionistëve të suksesshëm, të cilët do t’i mentorojnë vazhdimisht gjatë eventit!
Një event si “The steps for creating a successful business”, ofron profesionalizëm, emocione, konkurrencë, surpriza për idenë më të mirë si dhe 1oo.ooo lekë (të reja)!
Aplikimi: Dërgoni email në [email protected] një përshkrim shkurt, qëllimin-objektivat (1 faqe word) të idesë tuaj me të dhënat Emër, Mbiemër dhe nr. tel
Mund të aplikoni individualisht ose në grup me 2-5 persona.
Të gjithë pjesëmarrësit do të pajisen me certefikatë në fund të aktivitetit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
