Starton Zona e Lirë Ekonomike në Tetovë - Business Magazine Albania

Starton Zona e Lirë Ekonomike në Tetovë


Në mjediset e Drejtorisë së Zonës së Lirë Ekonomike në Tetovë është bërë dorëzim-pranimi i objektit të korporatës amerikane ‘Lear Corporation’. Fjala është për një investim prej 17 milionë eurosh. Proçesi i prodhimit të sediljeve të makinave për tregun e huaj ka startuar të hënën, më 8 gusht.

Në manifestimin e rastit, kompania ‘Normak Investment Group’ ia dorëzoi çelësin e objektit menaxhmentit të kompanisë ‘Lear Corporation’ nga Shtetet e Bashkuara të Amerikës. Fjala është për një hapësirë prej 11.800 metër katrorë dhe në të do të angazhohen deri në fund të vitit 2016 rreth 1000 punëtorë, kurse deri në fillim të vitit 2018 numri i përgjithshëm parashikohet të arrijë shifrën prej 2.500 të punësuarëve.

Punimet për ndërtimin e kapaciteteve prodhuese të kësaj kompanie për tregun e huaj, filluan para gjashtë muajve dhe në to u angazhuan mbi 30 ndërmarrje, kryesisht vendore. Ky investim kap vlerën rreth 7 milionë euro, ndërsa kompania amerikane ‘Lear Corporation’ ka investuar 10 milionë euro. Proçesi i prodhimit startoi të hënën më 8 gusht ndërsa kushtet e përgjithshme të punëtorëve janë sipas standardeve më të larta perëndimore.

Ky objekt është i kategorisë së parë dhe i plotëson të gjitha kushtet për një efikasitet energjetik të nivelit A+ dhe, në Maqedoni, është ndër objektet e rralla të këtij niveli.

Burimi: tvart.mk

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0