Sot nisi zyrtarisht “Growpreneur Boostcamp”, një program intensiv dyditor që shënon pikënisjen e rrugëtimit për startupet më premtuese të përzgjedhura së fundmi. Me pjesëmarrjen e ideve të reja inovatore dhe themeluesve ambiciozë, ky kamp është konceptuar si hapi i parë drejt përgatitjes për investime dhe përshpejtimit të rritjes së tyre në treg.
Lexo gjithashtu: Demo Day e Growpreneur dëshmon se startup-et shqiptare janë gati për tregun global
Në këtë edicion, Boostcamp-i ofron punëtori të fokusuara, analiza të modelit të biznesit, mentorim praktik dhe feedback të personalizuar, me qëllim që çdo startup të kuptojë saktësisht ku ndodhet sot dhe çfarë e pret në rrugën drejt suksesit.
Por ky program nuk është thjesht një trajnim: është gjithashtu një moment përzgjedhjeje. Vetëm startupet që tregojnë potencialin më të lartë do të kenë mundësinë të vijojnë më tej në fazën e radhës, programin e plotë akselerues të Growpreneur.
Lexo gjithashtu: Stampisti ‘rrëmben’ investitorët në Growpreneur, ideja që mund të kthehet në sukses ndërkombëtar
Dita e parë ka përfunduar me energji pozitive dhe angazhim maksimal nga pjesëmarrësit, ndërsa nesër pritet të kulmojë me prezantime të rëndësishme dhe vendime që do të përcaktojnë të ardhmen e këtyre ideve të reja.
Dy ditë për të ndërtuar, mësuar dhe për të rritur, ky është misioni i Growpreneur Boostcamp.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
