Start Smart, programi i trajnimit profesional që synon të formojë 20 mijë punëkërkues » Business Magazine Albania – Media Dixhitale dedikuar Sipërmarrjes
Përditësuar së fundmi: 14/05/2019

Start Smart, programi i trajnimit profesional që synon të formojë 20 mijë punëkërkues

Share
nga Admin
Maj 14, 2019
Business Magazine Albania constitutes an online periodical publication of business related articles. It is the first of
lexo me teper >

Start Smart janë kurset e reja të formimit profesional të nisura në muajin nëntor të vitit të kaluar me mbështetjen e programit Gjerman në Shqipëri GIZ. Në një vizitë të zhvilluar në Qendrën e Formimit Profesional nr. 4 në Tiranë, Ministrja e Financave Anila Denaj tha se përmes këtyre kurseve, po synohet të organizohet një qasje më e mirë e punëkërkuesve në profilet e punës në të ardhmen. Objektivi është që të trajnohen rreth 20 mijë punëkërkues.

Qendra e Formimit Profesional n.4 ofron 47 kurse në: elektronikë, mekanikë, IT, grafik dizajn, etj., fusha, në të cilat tregu i punës ka më shumë kërkesë.

Lexo: Ja disa nga “Bletët e Arta”. Sipërmarrja në turizëm që po mbështet formimin profesional

Sipas ministres Denaj, përmes kualifikimit në 4 muaj realizohen përshtatshmëritë e teorisë dhe praktikës në baza të harmonizuara dhe në marrëveshje me biznesin.

Programi Start Smart po ofrohet në të gjitha zonat ku ka zyra të punës. “Ka një bashkëpunim me zyrat e punës dhe me qendrat e formimit, në mënyrë që të përshtaten sa më mirë nevojat me dijen dhe me tregun e punës. Objektivi ynë është trajnimi i 20 mijë punëkërkuesve, pothuajse 1/3 e fuqisë punëtore, e cila është në kërkim të punës në të gjithë Shqipërinë”, tha ministrja.

Në Qendrën e Formimit Profesional nr. 4 ka çdo ditë 850 kursantë, të regjistruar në kurse të ndryshme. Vitin e kaluar, sipas të dhënave të qendrës, u certifikuan 2800 kursantë.