Transmetuesi i muzikës, “Spotify”, ka menduar të përzgjedhë muzikën duke u bazuar në gjendjen emocionale të përdoruesit. “Platforma e njohur e transmetimit të muzikës, ka marrë kohët e fundit një patentë, që bazohet në njohjen e zërit dhe është në gjendje të kuptojë tonin e tij dhe kontekstin në të cilin ndodhen përdoruesit dhe më pas të sugjerojë këngë dhe zhanre muzikore përkatëse”, shkroi faqja e specializuar “9to5Mac”
Ndër opsionet e ndryshme të propozuara figurojnë: festë, grupi i vogël, përqendrim, i/e vetmuar, etj. Kërkesa për patentë daton që nga viti 2018. Shërbimi ka tashmë mbi 320 milionë përdorues aktivë në të gjithë botën. Kompania ka siguruar, gjithashtu, se të gjitha zbatimet në të ardhmen do të bëhen në një mënyrë etike dhe transparente drejt privatësisë së klientëve të saj.
LEXO: Spotify/ Si dhe sa paguhen këngëtarët në këtë platformë
Të pyetur pyetur nga faqja Pitchfork për një koment mbi kohën dhe mënyrat e aplikimit të kësaj patente të re, Spotify u përgjigj: “Ne kemi paraqitur kërkesa për patentë për qindra shpikje dhe rregullisht paraqesim aplikime të reja. Disa nga këto patenta bëhen pjesë e produkteve të ardhshme, ndërsa të tjerë jo. Ambicia jonë është të krijojmë përvojën më të mirë në dispozicion, por për momentin nuk kemi asnjë lajm për të ndarë “.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
