Futbollisti francez Kylian Mbappé hodhi bazat e lojës së tij një dekadë më parë. Kompania Nike zbuloi koleksionin e saj të parë nga futbollisti francez Kylian Mbappé. Atleti me origjinë pariziene u rrit në periferinë e Bondy, duke ëndërruar të luante si profesionist dhe duke ndjekur yjet që kishin bashkëpunim me Nike.
20-vjeçari vlerësohet gjerësisht si një nga lojtarët më të mirë të futbollit në botë dhe në Kupën Botërore FIFA 2018, ai u bë adoleshenti i dytë në histori që shënoi një gol në finale – një akt heroik i arritur më parë vetëm nga legjendari Pelé.
Në këtë spot paraqiten krah për krah Mbappés i ri dhe ai i rritur, ku driblon, shënon dhe feston – versionin e ëndrrës së fëmijës nën dritën e projektorëve dhe njëkohësisht rezultatet e një të rrituri që po korr sukseset e siguruara nga zakonet e mira, të praktikuara për më shumë se një dekadë.
Ai studion lojën me të njëjtin intensitet si kur ishte 10 vjeç. Ai ende shkon herët në trajnim dhe largohet i fundit. Dhe ai ende ëndërron për më shumë. Spoti mbyllet me mesazhin “Duaje ëndrrën tënde derisa ajo të të dojë ty”.
Spoti introspektiv nga Wieden & Kennedy Amsterdam është drejtuar nga Brent Harris, Soixan7e Quin5e.
https://youtu.be/HSlKqYpdvlg
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
