Sparkli me seli në Zyrih, një platformë mësimore për fëmijë e bazuar në inteligjencën artificiale, ka siguruar një raund financimi prej 5 milionë dollarësh për të sjellë motorin e saj multimodal të të nxënit te familjet dhe shkollat në mbarë botën.
Ndërsa fëmijët sot kanë akses të gjerë në informacion, shumë mjete digjitale të të nxënit ofrojnë mënyra të kufizuara për të eksploruar ide komplekse në formate tërheqëse dhe të përshtatshme për moshën. Sparkli synon ta adresojë këtë boshllëk me një model mësimi të projektuar posaçërisht për trurin në zhvillim.
Duke përdorur inteligjencë artificiale multimodale në kohë reale, platforma u mundëson fëmijëve të krijojnë përvoja interaktive mësimore, duke i shndërruar pyetjet në udhëtime mësimore ndërdisiplinore dhe të lidhura me botën reale, që mbështesin aftësi si teknologjia, dizajni, qëndrueshmëria, edukimi financiar dhe ndërgjegjësimi global.
“Qëllimi ynë është të ndërtojmë autonominë e brezit të ardhshëm. Sparkli është projektuar për ta kthyer kohën para ekranit në një mjedis ku mund të zhvillohen kureshtja dhe të menduarit e pavarur,” -tha themeluesi dhe CEO, Lax Poojary.
Qasja e Sparkli-t fokusohet në tre ndryshime kryesore në mënyrën se si fëmijët mësojnë: kalimin nga kurrikula statike drejt eksplorimit në kohë reale, zëvendësimin e përmbajtjes pasive me përvoja interaktive dhe multimodale, si dhe përparësinë e kreativitetit dhe zgjidhjes së problemeve ndaj memorizimit. Këto përvoja mbështeten nga një sistem që ndërton një profil evolutiv të interesave dhe njohurive për çdo fëmijë, duke mundësuar mësim më të personalizuar dhe adaptiv me kalimin e kohës.
Lexo edhe: “Made by Albanians”, startup-et që po lënë gjurmë në botë!
Kompania u themelua nga një ekip me përvojë në Google Area 120, Search dhe YouTube, së bashku me inxhinierë dhe dizajnerë me eksperiencë në edukim dhe kërkim shkencor, përfshirë bashkëpunëtorë nga ETH. Platforma kombinon inteligjencën artificiale gjeneruese, pedagogjinë, dizajnin e lëvizjes dhe mekanikat e lojërave, duke përfshirë njëkohësisht masa sigurie dhe dizajn të përshtatshëm për moshën e përdoruesve të rinj.
Financimi do të mbështesë zgjerimin e motorit gjenerues të të nxënit të Sparkli-t dhe përgatitjet për nisjen e një beta-testimi privat. Aktualisht, platforma po validohet përmes një pilotimi strategjik me një grup të madh shkollash private ndërkombëtare, duke siguruar akses në një rrjet prej më shumë se 100 shkollash dhe mbi 100,000 nxënës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
